Qazaqstanda temeki baǵasy ózgerdi

ASTANA. KAZINFORM — Elimizde temeki ónimderiniń eń tómengi baǵasy 12,1 paıyzǵa ósip, 920 teńgege jetti.

Qarjy mınıstriniń 2022 jylǵy 22 aqpandaǵy № 196 «Súzgisi bar, súzgisiz temekige, papırosqa, sıgarılaǵa jáne qyzdyrylatyn temeki ónimderine eń tómengi bólshek saýda baǵasyn belgileý týraly» buıryǵyna ózgerister engizildi.

Buıryqqa sáıkes, 20 dana súzgisi bar, súzgisiz temekige, papırosqa, sıgarıllaǵa jáne qyzdyrylatyn temeki ónimderine eń tómengi bólshek saýda baǵasy kelesideı:

— 920 teńge — 2025 jylǵy 1 shildeden bastap 31 jeltoqsandy qosa alǵanda (buǵan deıingi baǵa — 820 teńge);

— 970 teńge — 2026 jylǵy 1 qańtardan bastap (buryn — 870 teńge).

Buıryq 2025 jylǵy 1 shilde de kúshine endi. 

Aıta keteıik, keıingi jyldary Qazaqstanda temeki shegetinder sany 30 paıyzǵa azaıdy. Bul kórsetkish — zııandy ádettiń aldyn alýǵa baǵyttalǵan memlekettik jáne qoǵamdyq sharalardyń tıimdiligin kórsetip otyr.