Qazaqstanda tehnıkalyq baıqaý operatorlarynyń jaýapkershiligi kúsheıtilmek

ASTANA. QazAqparat – Ekologııa, geologııa jáne tabıǵı resýrstar vıtse-mınıstri Serikqalı Muqataev tehnıkalyq baıqaý operatorlarynyń jaýapkershiligine qatysty talaptar kúsheıetinin aıtty, dep habarlaıdy QazAqparat tilshisi.

«Jumys toby atqarǵan is-sharalar nátıjesi boıynsha Qazaqstan Respýblıkasynyń Úkimeti Astana jáne Almaty qalalarynyń ekologııalyq problemalaryn keshendi sheshý turǵysynda Jol kartasyn ázirledi jáne bekitti, onda avtokólikten shyǵatyn zııandy gazdardy azaıtý jónindegi is-sharalar josparlanǵan», - dedi Serikqalı Muqataev Májilis depýtattarynyń saýalyna jaýap bere otyryp.

Onyń atýynsha, Jol kartasy aıasynda mınıstrlik tehnıkalyq baıqaý operatorlaryna qoıylatyn talaptardy qatańdatý máselesin qarastyryp jatyr.

Sonymen qatar, tehnıkalyq baıqaý júrgizý salasyndaǵy zań buzý derekterine jaýapkershilikti kúsheıtý máseleleri pysyqtalý ústinde.

«Osy sharany iske asyrý aıasynda avtokóliktiń tehnıkalyq jaı-kúıine sáıkes kelmeıtin dıagnostıkalyq kartalardy bergen tehnıkalyq baıqaý operatorlarynyń jaýapkershiligin qaıta qaraý josparlanǵan», - dedi vıtse-mınıstr.

Foto: wordpress.com