Qazaqstanda «Talıban» mártebesi ózgerissiz qalady – QR SІM

ASTANA. QazAqparat – QR Syrtqy ister mınıstrliginiń resmı ókili Aıbek Smadııarov «Talıban» uıymyna qatysty Qazaqstannyń pozıtsııasy týraly aıtty, dep habarlaıdy QazAqparat.

«Qazaqstanda «Talıban» mártebesi ózgerissiz qalady. Qazaqstan men Aýǵanstan arasynda óndirýshiler men eksportttaýshylarǵa tıimdi ekonomıkalyq qarym-qatynastar ǵana bar», - dedi resmı ókil mınıstrliktiń aptalyq brıfınginde.

Aıta keteıik, «Talıban» ekstremıstik uıymynyń qyzmetine Qazaqstanda tyıym salynǵan.

Sonymen birge A. Smadııarov jaqynda ótken Qazaqstan-Aýǵanstan bıznes-forýmyn eske saldy.

«Onda negizinen bıznesmender kelip qatysty. Saýda mınıstrligi habarlaǵandaı, kóptegen kelisimsharttar bekitilip, úshkúndik jármeńke ótti», - dedi spıker.

Buǵan deıin Aıbek Smadııarov «Qazaqstanǵa oqýǵa keletin aýǵan jastarynan qaýip bar ma?» degen suraqqa jaýap bergen edi.

Sondaı-aq Qazaqstan Aýǵanstan qyzdaryn oqytý baǵdarlamasyn jalǵastyrýǵa daıyn.

Eske salaıyq, «Qazaqstan «Talıban» qozǵalysyn tyıym salynǵan uıymdar tiziminen alyp tastaı ma?» degen suraqqa buǵan deıin Syrtqy ister mınıstriniń orynbasary Qanat Týmysh jaýap bergen bolatyn.