Qazaqstanda sot saraptamasynyń jańa túri paıda boldy

ASTANA. KAZINFORM — Sot saraptamalary qyzmetteriniń tizbesin keńeıtý maqsatynda elimizdesot saraptamasynyń jańa túri — zııatkerlik menshik obektilerine saraptama júrgizý qyzmeti iske qosyldy. Bul týraly QR Ádilet mınıstrliginiń resmı ókili Talǵat Ýálı aıtyp berdi.

«Saraptamanyń bul túri — zııatkerlik menshikti qorǵaýǵa, ınvestıtsııalyq qyzmetti quqyqtyq qorǵaýǵa jáne elimizdiń ımıdjin nyǵaıtýǵa jasalǵan úlken qadam sanalady. Osyǵan oraı Ádilet mınıstrligi Dúnıejúzilik zııatkerlik menshik uıymynyń jazǵy mektebinde sot sarapshylaryn oqytty», — dedi T. Ýálı mınıstrlik uıymdastyrǵan brıfıngte. 

Endi kásibı sot sarapshylary zııatkerlik menshik nysandaryna saraptama júrgizip, nysandardyń uqsaıtyny nemese uqsamaıtyny jóninde saraptama júrgize alady.

Aıta keteıik, jyl basynan beri avtorlyq quqyq ıeleriniń shaǵymdarymen taýar tańbalarynyń zańsyz paıdalanylýyna qatysty jospardan tys tekserýler júrgizildi. 

Nátıjesinde Ákimshilik quqyq buzý týraly kodekstiń 158-baby boıynsha 58 is qozǵalyp, bıýdjetke jalpy somasy 4 539 914 teńge óndirildi.