Qazaqstanda sot sanktsııasy elektrondy túrde beriledi

ASTANA. QazAqparat - Qazaqstanda sot sanktsııasy elektrondy túrde beriledi. Bul týraly búgin 2017 jyldyń 1 jartyjyldyǵynda sot tóreligin júzege asyrý qorytyndylaryna arnalǵan respýblıka sýdıalarynyń keńeıtilgen otyrysy aıasynda BAQ ókilderine suhbat bergen QR Joǵarǵy soty departamentiniń basshysy Nurserik Sháripov aıtty, dep habarlaıdy QazAqparat.

«Shilde aıynyń 17-sinen bastap respýblıkanyń barlyq birinshi satydaǵy sottarynda elektrondy sot buıryǵyn engizdik. ıAǵnı, sotqa júginý qaǵaz túrinde emes elektrondy túrde bolady. Máselen, kommýnaldyq mekeme belgilengen tártippen elektrondy túrde sotqa júginedi.  Ótinish elektrondy túrde túskennen keıin keńsede tıisinshe tirkeýden ótip, sýdıanyń kompıýterine keledi. Sýdıa qarap, buıryq shyǵaratyn negiz bolsa, ony elektrondy túrde shyǵaryp qaıtadan keńsege jóneltedi. Al keńseden aryzdanýshyǵa elektrondy túrde jiberiledi. Bul jerde eshqandaı qaǵaz aınalymy bolmaıdy», - dedi ol.

Onyń aıtýynsha, endigi ýaqytta Joǵarǵy sot elektrondy sanktsııa berý máselesin qolǵa alǵan.

«Tıisti materıaldar prokýratýradan sotqa elektrondy túrde túsedi. Onymen tanysqannan keıin eger sanktsııa beriletin bolyp sheshim qabyldansa, sanktsııa ótinish bergen organǵa elektrondy túrde jiberiledi.  Qazirgi ýaqytta muny da ilki joba retinde engizdik. Aldaǵy úlken maqsatymyz elektrondy sot májilis zaly bolyp otyr. Qazirgi ýaqytta onyń josparyn quryp,  tehnıkalyq jaǵynan qamtamasyz etip jatyrmyz, al baǵdarlama jaǵynan qamtamasyz etip qoıdyq. Ol «Tsıfrlyq Qazaqstan» baǵdarlamasy aıasynda júzege asyrylýda», - dedi N.Sháripov.

Departament basshysynyń aıtýynsha, atalǵan joba aıasynda sýdıanyń, sotqa qatysýshy advokat pen prokýrordyń aldynda bir júıege tirkelgen kompıýtor bolady. Qaralatyn iske qatysty barlyq tergeý materıaldary monıtordan shyǵyp turady.

«Bul jobamen qazir biz tyńǵylyqty aınalysýdamyz. Jyldyń sońyna deıin qosamyz degen josparymyz bar», - dedi ol.