Qazaqstanda SMART-fermalar sany artady
«Tehnologııalyq qaıta jaraqtandyrý mindetteri sheńberinde ІT-tehnologııalardy, onyń ishinde naqty eginshilik tehnologııalary men SMART-fermalardy paıdalanýǵa bıznesti tartý úshin jaǵdaı jasalatyn bolady. Naqty eginshilik elementterin engizý fermerlerge óndiris tıimdiligin aıtarlyqtaı arttyrýǵa múmkindik beredi. Mundaı elementterge egisterdiń elektrondyq kartalary, naqty meteoderekter, sensorlar men datchıkter, ǵaryshtyq monıtorıng pen basqa da sheshimder jatady», - dep toqtaldy A. Evnıev.
Osy oraıda tıisti jetistikterge ónimdilikti arttyrýǵa ahrohımııany, tuqym sharýashylyǵyn, agrarlyq ǵylymdy jaqsartý, tehnologııalyq operatsııalardyń ýaqtyly iske asyrylýy men sapasy, datchıkterdi paıdalaný jáne tabıǵı faktorlardy esepke alý esebinen qol jetkizýge bolady. Bul óz kezeginde shyǵyndy keminde 25%-ǵa tómendetýge múmkindik beredi.
«SMART-fermalardyń engizilýi janýarlar basyna monıtorıng júrgizýge, tabyndardy basqarýǵa, jylyjaılardy avtonomdy basqarýǵa, onlaın-rejimde shyǵystardy esepke alýǵa jáne taldaýǵa múmkindik beredi. Fermalarǵa meteoderekter berý qyzmetin kórsetý úshin halyqaralyq tájirıbe paıdalanylatyn bolady. Aǵymdaǵy jyly qanatqaqty joba Aqmola jáne Qaraǵandy oblystarynda iske asyrylady», - dep naqtylady Arman Evnıev.
