Qazaqstanda iri sý qoımalarynan sý jiberilip jatyr
ASTANA. KAZINFORM – Sý resýrstary jáne ırrıgatsııa mınıstrligi tasqyn sýyn qabyldaý jáne qaýipsiz ótkizý úshin elimizdiń soltústik, batys, shyǵys jáne ortalyq aımaqtaryndaǵy iri sý qoımalarynan sý jiberip jatyr. Bul týraly Sý resýrstary jáne ırrıgatsııa mınıstrligi habarlady.
27 naýryz kúngi jaǵdaı kelesideı:
Aqmola oblysynda Astana sý qoımasynan sekýndyna 1,5 tekshe metr, Sileti sý qoımasynan 150 tekshe metr, Shaǵalaly sý qoımasynan 8,3 tekshe metr sý jiberilip jatyr.
Aqtóbe oblysyndaǵy Aqtóbe sý qoımasynan sekýndyna 10 tekshe metr, Qarǵaly sý qoımasynan sekýndyna 0,5 tekshe metrden sý jiberilýde. Byltyr rekonstrýktsııa jasalǵan eki sý qoımasy belsendi sý jınap jatyr. Búgingi tańda eki nysan orta eseppen 67%-ǵa toly.
Shyǵys Qazaqstan oblysynda Buqtyrma sý qoımasynan sekýndyna 620 tekshe metr, al, Óskemen sý qoımasynan 600 tekshe metr sý jiberilýde.
Abaı oblysyndaǵy Shúlbi sý qoımasynan sekýndyna 660 tekshe metr sý jiberilip jatyr.
Batys Qazaqstan oblysynda Kırov sý qoımasynan sekýndyna 12,2 tekshe metr, Bitik sý qoımasynan sekýndyna 9,3 tekshe metr, Dóńgelek jáne Pıatımar sý qoımalarynan sekýndyna 2,2 tekshe metrden sý jiberilip jatyr.
Qaraǵandy oblysynda Yntymaq sý qoımasynan sekýndyna 10 tekshe metr, Samarqand sý qoımasynan 5 tekshe metr sý jiberilip jatyr.
Ulytaý oblysy Keńgir sý qoımasynan sekýndyna 4,7 tekshe metr sý jiberilip jatyr.
Qostanaı oblysynda Joǵarǵy Tobyl sý qoımasynan sekýndyna 1,1 tekshe metr, Qaratomar sý qoımasynan sekýndyna 3 tekshe metrden sý jiberilýde. Qazir eki nysan da belsendi sý jınaýda, orta eseppen 68%-ǵa toldy.
Soltústik Qazaqstan oblysynda Sergeev sý qoımasynan sekýndyna 493,2 tekshe metr, Petropavl sý qoımasynan 195 tekshe metr sý jiberilip jatyr.
Aıta ketelik Batys Qazaqstanda Jaıyq ózenindegi sý deńgeıi qaıta kóterilgen edi.