Qazaqstanda Pfizer vaktsınasyn qansha adam salǵyzdy

NUR-SULTAN. QazAqparat – QR Densaýlyq saqtaý mınıstriniń mindetin atqarýshy Jandos Búrkitbaev halyqty KVI-ge qarsy vaktsınamen qamtý jumystary týraly aıtyp berdi, dep habarlaıdy QazAqparat.

«Halyqty KVI-ge qarsy vaktsınalaý jalǵasýda. Birinshi komponentpen 8,9 mln astam adam egildi, osylaısha vaktsına salynýy tıis eresekterdiń 78,3%-y qamtyldy, ekinshi komponentpen 8,4 mln astam adam egildi, bul – vaktsına alýǵa tıisti eresek turǵyndardyń 73,8%-y. Jalpy Qazaqstan halqy boıynsha birinshi komponentpen qamtý – 48,1%, ekinshi komponentpen qamtý – 44,5% kórsetti», - Jandos Búrkitbaev Úkimettiń búgingi otyrysynda.

Sonymen birge, Comirnaty (Pfizer) vaktsınasymen búgingi kúni 235 117 adam vaktsınalandy, onyń ishinde 187 315 jasóspirim jáne 47 786 júkti jáne bala emizetin áıelder bar. Ekinshi komponentin - 66 017 adam saldyrǵan.

«Vaktsınalaý jumystary jalǵasýda. Qazirgi ýaqytta Qazaqstannyń 303 myń azamaty revaktsınatsııalandy», - dedi J. Búrkitbaev.

Aıta keteıik, álem elderi boıynsha, Qazaqstan KVI-ge qarsy vaktsınalaý boıynsha 208 eldiń ishinde 103-orynda tur.

Tamyz aıynan beri Qazaqstanda KVI jaǵdaılary 16 esege tómendegen.