Qazaqstanda páter quny joǵarylaǵan qalalar ataldy

ASTANA. KAZINFORM — Krisha.kz 2025 jyldyń I toqsanynda Qazaqstanda qaıtalama naryqtaǵy turǵyn úı baǵalary qalaı ózgergenin eseptedi.

Qazaqstan boıynsha jyljymaıtyn múliktiń ortasha quny úsh aıda 3%-ǵa — 1 sharshy metr úshin 379 913 teńgeden 391 424 teńgege deıin ósti. Bul rette baǵanyń ósýi barlyq qalada baıqalady, biraq onyń qarqyny ár túrli ekenin aıta ketken jón.

Turǵyn úı qaı jerde qymbattady

— Qostanaı: +8.5%.
— Aqtaý: +6.6%.
— Aqtóbe: +4.8%.
— Oral, Óskemen, Shymkent: +3.4%.

Baıqap turǵandaryńyzdaı, Qostanaı men Aqtaýda ósý qarqyny aıtarlyqtaı joǵary.

Qaı qalalarda baǵanyń ósýi qalypty deńgeıde

— Almaty, Astana, Pavlodar, Petropavl, Atyraý — 3,1% shamasynda.
— Semeı, Kókshetaý, Qyzylorda — 2%-dan tómen.

Qaı jerde baǵa asa ózgermegen

— Túrkistan men Taldyqorǵan — tek + 0,9%, bul naryqtyń turaqtandyrylǵanyn nemese suranys tómendigin bildirýi múmkin.

Foto: Krisha.kz

Buǵan deıin habarlanǵandaı, Short-trekshi Gleb Ivchenkoǵa páter kilti tabystaldy.