Qazaqstanda otandyq taýar ǵana satatyn alǵashqy saýda ortalyǵy ashylady
Ortalyq kommýnıkatsııalar qyzmetiniń brıfıngisine qatysqan QR saýda kásiporyndary qaýymdastyǵynyń vıtse-prezıdenti Qaıyrly Taýkenniń aıtýynsha, saýda ortalyǵyndaǵy taýarlardyń bári «Qazaqstanda jasalǵan» jáne «Halyq markasy» sapa belgisiniń ıeleri shyǵarǵan taýarlar.
Saýda ortalyǵynyń aýmaǵy bastapqyda 5 000 sharshy metrdi quramaq. Elimizdiń 14 oblysy men Almaty, Astana qalalarynyń taýar óndirýshileri saýda ortalyǵynda óz býtıkterin ashýǵa daıyndalyp jatyr. Astanada ashylatyn alǵashqy qazaqstandyq saýda ortalyǵynda bas-aıaǵy 300 fırma men kompanııanyń taýarlary satylady. Q.Taýkenniń habarlaýynsha, saýda ortalyǵy ashylǵan soń, bir jyl boıy otandyq taýar óndirýshiler úshin saýda ortalyǵyndaǵy oryndary tegin bolady. Biraq, bul úshin taýar óndirýshiler «Halyq markasy» belgisin ıelenýi kerek eken. «Aldymen, taýar óndirýshiler «Halyq markasy» belgisin ıelenýi kerek, ol shamamen 300 myń teńge turady. Biraq, osy taýar óndirýshiler saýda ortalyǵynan tegin oryn alyp, tegin jarnama bere alady. Onyń ústine, olardyń taýaryn ózderi emes, «Halyq markasy» satýdy moınyna alady.
