Qazaqstanda orys tiline degen qysym týraly sóz qozǵaý ádiletsiz – Dáýren Abaev
«Árıne, mundaıǵa jol berilmeıdi jáne óreskel jaıt dep esepteımin. Sondyqtan quqyq qorǵaý organdary ádiletti, quqyqtyq baǵa beredi. Reseılik depýtattar narazylyq tanytqandyqtan emes, jalpy elimizde mundaı nárselerdiń joly qatań túrde kesiletindikten solaı bolady. Kimniń jáne qandaı sebeppen kems i tý kórgeni mańyzdy emes. Qazaqtar, orystar nemese basqa etnos ókilderi bolsa da kems i tilmeý kerek. Azamattarymyzdyń kóbi ultshyldyqtyń mundaı turpaıy kórinisterin aıyptaıdy. Ókinishke qaraı, mundaı jaǵdaılar búkil álemde bolyp jatyr. Bul mundaı nárseni memleket qoldap otyr nemese jalpy tendentsııa retinde beleń alyp otyr degen sóz emes. Eki-úsh adamnyń orynsyz áreketteri arqyly 19 mıllıon halqy bar eldegi jaǵdaıdy baǵalaýǵa bola ma? Joq dep oılaımyn», - dep túsindirdi Dáýren Abaev.
Onyń aıtýynsha, Qazaqstandaǵy orys tiliniń jaǵdaıy týraly emotsııaǵa berilip kóp dúnıe aıtýǵa bolǵanymen, naqty faktiler ondaı burmalaýǵa kónbeıdi.
«Bizdiń elimizde halyqtyń 90% -y orys tilin biledi. Meniń oıymsha, bul álemdegi eń joǵary kórsetkishterdiń biri, múmkin Reseıdiń ózin jáne Belarýstan keıingi kórsetkish shyǵar bul. Bizde oqýshylardyń 30%-dan astamy orys tilinde oqıdy. Qazaqstan halqynyń qurylymyndaǵy orystardyń úlesi qazir shamamen 20%. Bul tilge degen suranysty bildirmeı me? Qazaqstanda 23 myńnan astam orys tili men ádebıeti pániniń muǵalimderi jumys isteıdi. Bul Ortalyq Azııadaǵy basqa elderge qaraǵanda kóp. Sondyqtan Qazaqstandaǵy orys tiline degen qysym jasaý týraly sóz qozǵaý ádiletsiz», - dedi Prezıdent Ákimshiligi Basshysynyń birinshi orynbasary.
