Qazaqstanda obyrdy erte dıagnostıkalaý kórsetkishi 31,4%-ǵa jetti

ASTANA. KAZINFORM — Qazaqstanda obyrmen kúres kúsheıtildi, sonyń arqasynda jańa ortalyqtar ashylyp, dıagnostıka sapasy artyp keledi, dep habarlaıdy DSM baspasóz qyzmeti.

Qazaqstanda onkologııalyq qyzmetti jańǵyrtý boıynsha júıeli jumys jalǵasyp jatyr. Maqsat — onkologııalyq aýrýlardy dıagnostıkalaý men emdeýdi barlyq óńirlerdiń turǵyndary úshin qoljetimdi etý jáne obyrmen kúrestiń tıimdiligin arttyrý.

Densaýlyq saqtaý mınıstrligi dereginshe, Qaraǵandy, Soltústik Qazaqstan oblystarynda jáne Abaı oblysynda, Astana jáne Almaty qalalarynda 6 jańa zamanaýı sáýlelik terapııa ortalyǵy ashyldy (2 ortalyq). 

Onkologııa ortalyqtaryn jaraqtandyrýǵa 31 mlrd teńge bólindi. Budan basqa, 39 mlrd teńgege ınvestıtsııalyq kelisim jasaldy:

— Aqtaý, Aqtóbe, Qaraǵandy, Qyzylorda jáne Óskemen qalalarynda PET/KT-ortalyqtaryn ornatý,

— ıadrolyq fızıka ınstıtýtynda tsıklotron keshenin qurý.

Bul obyrdy dıagnostıkalaýdy jańa deńgeıge kóterýge jáne óńirlerdi ozyq tehnologııalarmen qamtamasyz etýge múmkindik beredi.

Óńirlik onkologııa ortalyqtarynyń bazasynda 17 saraptamalyq endoskopııalyq ortalyq ashyldy. 

— Osynyń arqasynda qaterli isikterdi erte anyqtaý deńgeıi 31,4%-ǵa deıin ósti (2023 jyly — 30%). Keshendi jumys erte dıagnostıkanyń úlesin arttyrýǵa, óńirlerde joǵary tehnologııalyq hırýrgııalyq operatsııalar men sáýlelik terapııanyń qoljetimdiligine, onkologııalyq qyzmet kadrlaryn nyǵaıtýǵa, halyqtyń qajettilikterine qaraı tósek qoryn utymdy bólýge baǵyttalǵan, — delingen mınıstrlik habarlamasynda.

Osydan buryn SQO-da jarty jylda 900-den astam adamǵa onkologııa dıagnozy qoıylǵanyn jazdyq.