Qazaqstanda munaı-gaz-hımııa jobalary tabıǵı gazben qamtylatyn boldy
Búgingi tańda Qazaqstanda shıkizat retinde gazdy paıdalana otyryp, munaı-gaz-hımııa ónimderin óndirý boıynsha birqatar jobalardy iske asyrý josparlanyp otyr. Alaıda budan buryn osy jobalardy gazben qamtamasyz etý tetigi ornatylmaǵan.
«Mınıstrlik munaı-gaz salasynyń shıkizattyq baǵyttarynan qosylǵan quny joǵary ónim shyǵaratyn munaı-gaz-hımııa óndiristerin qurý úshin turaqty negizde júıeli jumys júrgizip otyr. Tabıǵı gaz - gaz hımııasy úshin qundy shıkizat. Gazdyń barlyq baǵaly komponentterin alý dárejesin arttyrý jáne tıimdi paıdalaný jańa hımııalyq materıaldardyń tutas klasterine jańa serpin beredi. Gaz-hımııa ónimi - óte baǵaly eksporttyq ónim. Ony satý gazdy satýǵa qaraǵanda áldeqaıda tıimdi. Gazdy óńdeýdiń tórt-bes satysynan keıin (mysaly, gaz→etan→etılen→polıetılen→polıetılen buıymdary) sońǵy ónimniń quny shamamen 5-6 ese ósedi. Alaıda, osynda n egizgi máselelerdiń biri - shıkizatpen qamtamasyz etý bolyp otyr» delingen mınıtsrlik taratqan habarlamada.
Atalǵan máseleni sheshý maqsatynda «Gaz jáne gazben jabdyqtaý týraly» zańǵa túzetýler engizilgen.
Zańdy iske asyrý sheńberinde Energetıka mınıstriniń 29 sáýirdegi buıryǵymen Munaı-gaz-hımııa ónimderin óndirý jónindegi ınvestıtsııalyq jobalardyń tizbesin jasaý qaǵıdalary bekitilgen.
Onda ınvestıtsııalyq jobalardyń tıimdiligin baǵalaý tetigi kózdelgen.
«Tetikke sáıkes jobalar makroekonomıkalyq, áleýmettik, ekologııalyq jáne tehnıkalyq kórsetkishter bazasynda olardyń artyqshylyqtaryn sıpattaıtyn ólshemder negizinde baldyq júıe boıynsha baǵalanady. Qosylǵan quny joǵary bazalyq gaz-hımııa ónimderin óndirý munaı-gaz salasyndaǵy tereń óńdeýdi damytý úshin berik negiz bola otyryp, bizdiń tehnologııalyq damý strategııamyzǵa sáıkes keledi» dep málim etti vedomstvodan.
