Qazaqstanda mobıldi brıgadalar qalaı jumys istep jatyr
Búgingi tańda 3054 mobıldi brıgada jumys isteıdi, rezervte taǵy 1622 brıgada bar, dep habarlaıy QazAqparat COVID-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap.
Mobıldi brıgadanyń quramyna ýchaskelik dáriger (terapevt, pedıatr, jalpy praktıka dárigeri) jáne/nemese ýchaskelik meıirbıke, feldsher, akýsher, densaýlyq saqtaý salasyndaǵy áleýmettik qyzmetker, júrgizýshi kiredi.
Mobıldi brıgadanyń quramy patsıentke úıde qyzmet kórsetý kezinde oryndalatyn fýnktsııaǵa baılanysty, sondaı-aq epıdemıologııalyq jaǵdaıdy eskere otyryp, COVID-19 bar naýqastardyń qurylymyna súıene otyryp qalyptastyrylady.
Qajet bolǵan jaǵdaıda MB quramyna beıindi mamandar tartylýy múmkin.
Úıge shyǵýmen shaqyrýlarǵa qyzmet kórsetý kezindegi MB negizgi fýnktsııalary:
- COVID-19 bar patsıentterge jáne úıde oqshaýlanǵan birge turatyn otbasy múshelerine keńes berý jáne tekserý;
- COVID-19 koronavırýs ınfektsııasy bar jáne aýrýdyń ortasha aýyr, aýyr túrine shaldyqqan jáne patsıentti qarap-tekserý, emdeýdi taǵaıyndaý jáne onyń jaı-kúıin baqylaý arqyly statsıonardan ambýlatorııalyq emdeý kezeńine shyǵarylǵan patsıentterge barý;
- polımerazdy tizbekti reaktsııa (PTR) ádisimen SOVID-19-ǵa kúdikti patsıentterden bıologııalyq materıaldar úlgilerin alýdy júrgizý;
- dárilik zattardy «COVID-19 Koronavırýstyq ınfektsııasy» dıagnostıkasy men emdeýdiń klınıkalyq hattamasyna sáıkes taǵaıyndaý;
- qajet bolǵan jaǵdaıda tegin jáne (nemese) jeńildikpen qamtamasyz etý úshin dárilik zattar men medıtsınalyq buıymdardyń tizbesine sáıkes vırýstyq pnevmonııa jáne COVID-19 bar patsıentterge dárilik zattardy jetkizý;
- dárigerdiń taǵaıyndaýy boıynsha COVID-19 bar patsıentterge emsharalar men manıpýlıatsııalar júrgizý;
- qajet bolǵan jaǵdaıda COVID-19- bar patsıentterdi KT jáne rentgen dıagnostıkasyna medıtsınalyq kórsetkishter boıynsha jetkizý jáne keri qaıtarý, sondaı-aq, jedel medıtsınalyq kómek jetkizýdi júzege asyrý;
- medıtsınalyq kórsetkishter boıynsha COVID-19 bar patsıentterdi ınfektsııalyq jáne provızorlyq statsıonarlarǵa emdeýge jatqyzý, patsıenttiń jaǵdaıyna qaraı, ózge jaǵdaılarda emdeýge jatqyzýdy jedel medıtsınalyq járdem brıgadasy júzege asyrady;
- aýrýhanadan tys pnevmonııa jáne COVID-19 bar patsıentterge úıde statsıonar júrgizý;
- qolhat bere otyryp, úıde oqshaýlaýdy saqtaý sharttary týraly habarlama; patsıentti naýqasty nemese kútimdi júzege asyratyn adamdy ózin-ózi baqylaý chek-paraǵyn toltyrýdy úıretý týraly COVID-19 bar patsıentterdi habardar etý
MB tirkelgen halyq sanyna baılanysty 5000 jáne odan da kóp halyqqa 1 brıgada esebinen, sondaı-aq epıdemıologııalyq jaǵdaıdy eskere otyryp, baqylaýǵa jatatyn shyǵýlar men patsıentter sanyna uıymdastyrylady.
Aýyl deńgeıinde dárigerlik ambýlatorııanyń jáne alǵashqy medıtsınalyq-sanıtarlyq kómek ortalyǵynyń janynan keminde bir MB qurylady.
Mobıldi brıgadalardyń jumys ýaqyty tańǵy 08.00-den keshki 20.00-ge deıin. Saǵat 20.00-den keıin shaqyrtýlarǵa qyzmet kórsetý úshin shaqyrtý sanatyna qaramastan jedel medıtsınalyq kómek (103) júzege asyrady.
Sonymen qatar, qajet bolǵan jaǵdaıda, epıdemıologııalyq jaǵdaıdy eskere otyryp, óńirdiń densaýlyq saqtaý basqarmasynyń buıryǵymen kúndelikti jumystyń ózge uzaqtyǵy belgilenýi múmkin.