Qazaqstanda mobıldi bankıng standarttary engiziledi
Mobıldi bankıng baǵyty qarqyndy damýyna oraı, tıisti standarttar ázirlep engizý qajettigin týyndap otyr.
«Mobıldi - qarjy qyzmetteri baǵytynda mamandar birqatar standarttar serııasyn ázirledi, olar jalpy qaǵıdattardan basqa mobıldi qarjy qyzmetterine arnalǵan derekter qaýipsizdigi men qorǵaýdy, qarjy qosymshalarynyń ómirlik tsıklin basqarýdy qarastyrady, bızneste mobıldi platformalar men mobıldi tólemder kómegimen jeke tulǵalar arasynda aqsha aýdarymdaryn júrgizýge múmkindik beredi», - delingen habarlamada.
SMS, USSD-ótinimderi arqyly birqatar qyzmetter úshin telefonnan tóleý óte qolaıly, sondyqtan tólemderdi uıaly telefonnyń kómegimen jasaý kún saıyn ósip keledi.
Damyp kele jatqan naryqqa baılanysty mobıldi qarjy qyzmetteri damyp, álemniń túrli óńirlerinde túrli negizde engizilip keledi, onyń ishinde osyndaı qyzmetterdiń túrli provaıderleri arasynda da keńinen paıdalanylady. Osy jaǵdaıda QR ST ISO 12812 (barlyq bólimi) mobıldi qarjy qyzmetteriniń sáıkestigi, qaýipsizdigi men sapasyn yntalandyryp qoldaýdy qarastyrady. Sonymen birge, qyzmettiń múddeli taraptary damýdan paıda ala alýy, al qyzmet provaıderleri ózderiniń menshikti bıznes strategııalaryn iske asyratyndaı qarjylyq turǵydan erkin jáne básekege qabiletti bolýy mańyzdy. QR ST ISO 12812 (barlyq bólimi) jańa qurambirlikter men ınterfeısterdiń áserin qarastyrý jolymen tehnıkalyq deńgeıde qyzmettik syıymdylyq qarastyralady.
Mobıldi bankıng salasyndaǵy standarttaý mobıldi qarjy qyzmetteri naryǵynyń ornyqty damýyna kómektesetin bolady, olardyń negizinde mobıldi qarjy qyzmetteri qurylatyn túrli qurambirlikter nemese qyzmetter arasynda qyzmettik syıysymdylyqty jeńildetip jaqsartady, paıdalanýshylar qyzmetke senim arta alatyndaı qaýipsiz orta qurady jáne mobıldi qarjy qyzmetiniń provaıderlerine keletin qaterlerdi basqara alýǵa múmkindik beredi.
Standarttar tólemder, shart talaptarynyń móldirligin qarastyrady, shaǵymdardy qarastyrý men daýlardy sheshýdegi jaýaptylyq pen tetikterdi túsindiredi. Sonymen birge, klıentke qyzmetterdi bir qurylǵydan alý nemese mobıldi qarjy qyzmetin bir qurylǵydan ekinshisine aýystyrý úshin birneshe mobıldi qarjy qyzmetiniń provaıderlerimen baılanysý múmkindigin qosa, qurylǵylardyń nemese mobıldi qarjy qyzmetteriniń túrli provaıderlerin tańdaý múmkindigi beriledi.
«Osy maqsattarǵa jetý úshin QR ST ISO 12812 barlyq bóliginde qajetti tehnıkalyq tetikter qarastyrylǵan. Bank qyzmetine arnalǵan standarttardy QR IDM Tehnıkalyq retteý jáne metrologııa komıtetiniń tóraǵasy 2018 jylǵy 1 qarashada bekitti jáne ol standarttar 2020 jyly qoldanysqa engiziletin bolady», - delingen habarlamada.
