Qazaqstanda meıramhanalar kóbeıip jatyr
ASTANA. KAZINFORM — Qazaqstanda paıdalanýǵa berilip jatqan meıramhanalardyń sany ósip keledi. I toqsanda jańa qurylys aıaqtalǵannan keıin qabyldaý aktilerin 15 meıramhana aldy. Bul kem degende jeti jyldaǵy qarastyrylyp otyrǵan kezeńniń eń joǵary máni, dep habarlaıdy DATA HUB.
QR SJRA USB málimetteriniń negizinde jasalǵan esepteýlerge sáıkes, 2025 jyldyń qańtar-naýryzymen salystyrǵanda bul kórsetkish jartylaı ósti.
Paıdalanýǵa berilgen meıramhanalardaǵy otyratyn oryndardyń jalpy sany 4,3 myń birlikti qurady — bul ótken jylmen salystyrǵanda eki esege jýyq. Segiz jyldaǵy I toqsannyń maksımýmy týraly áńgime bolyp otyr. Sonymen qatar, otyratyn oryndardyń statıstıkasy jańadan salynǵan da, qaıta jańartylǵan da nysandardy qamtıtynyn este ustaǵan jón. Sondyqtan paıdalanýǵa engizilgen bir meıramhananyń ortasha syıymdylyǵyn anyqtaý múmkin emes — mundaı esepteýler úshin derekter jetkiliksiz.
Otyratyn oryndardyń toqsandyq iske qosylýy 2025 jyldyń áserli mánderinen keıin joǵary deńgeıde qalyp otyr — jalpy onyń qorytyndysy boıynsha bul kórsetkish 53%-ǵa ósti. Osylaısha, ulttyq statıstıka bıýrosynyń aqparatyna súıene otyryp, Qazaqstandaǵy meıramhana býmynyń jalǵasy týraly qorytyndyǵa kelýge bolady.
Aıta keteıik, 4,3 myń otyratyn orynnyń jalpy naqty quny 9,5 mlrd teńge somasynda qalyptasty — bir oryn úshin orta eseppen 2,2 mln teńge. Meıramhanalardyń paıdalanýǵa engizilýin resmı statıstıka segiz óńirde tirkeıdi. Olardyń ishinde eń qymbat otyratyn oryndar Shyǵys Qazaqstan (orta eseppen bir oryn úshin 8 mln teńge) jáne Túrkistan (7,9 mln teńge) oblystarynda kezdesedi.
Otyratyn oryndardyń sany boıynsha kóshbasshy Jambyl oblysy (1,2 myń), odan keıin Almaty oblysy (1,1 myń) jáne Atyraý oblysy (0,7 myń). Atalǵan segiz óńirdiń ishinde respýblıkalyq mańyzy bar qalalardyń ishinen tek Shymkent qana bar, onda jańadan salynǵan jáne qaıta jańartylǵan meıramhanalarda 0,4 myń otyratyn oryn paıdalanýǵa berildi.
Aıta keteıik, meıramhanalardy paıdalanýǵa engizý býmymen qatar kafelerdi paıdalanýǵa berý býmy da jalǵasýda. Qańtar-naýryz aılarynda jańa qurylystyń nátıjesinde paıda bolǵan osyndaı 21 mekemege qabyldaý aktileri berildi. Paıdalanýǵa engizilgen kafelerdegi oryndardyń sany 2,5 myńǵa jetti (j/j +51%), osylaısha 10 jyldaǵy I toqsannyń rekordy jańartyldy.
Budan buryn bıyl mektep bitirý keshterin meıramhanada ótkizýge ruqsat berile me degen saýralǵa jaýap aldyq.