Qazaqstanda mektep formasyn 20-ǵa jýyq kásiporyn tigedi
Jańa oqý jylyna oqýshylar men olardyń ata-analary ǵana emes, jeńil ónerkásip kásiporyndary da belsendi daıyndalýda. Durys tańdalǵan mektep formasy balanyń densaýlyǵy men jaqsy kóńil-kúıine áser etedi.
Mınıstrlikten málim etkendeı, eń aldymen, mektep formasy gıgıenalyq talaptarǵa saı bolýy kerek. ıAǵnı, balanyń densaýlyǵyna zııan keltirmeýi tıis. Óz kezeginde ata-analar bul kıimde bala 5-6 nemese odan da kóp saǵat ótkizetinin este ustaǵan jón. Sol sebepti eń aldymen, forma jasalǵan materıaldyń sapasyna nazar aýdarý kerek.
Búginde Qazaqstanda 20-ǵa jýyq kásiporyn mektep formasyn tigýmen belsendi aınalysady. Uldar men qyzdarǵa arnalǵan mektep kıimderin Almaty qalasynyń «Angelcher» JShS, «Symbat» Sán Akademııasy« JShS, «Semıramıda« tigin fırmasy» JShS, «Qazlegprom-Almaty» JShS, «ALTEX» JShS, «KazSPO-N» JShS jáne «KazteH» JShS kásiporyndary tigedi. Sondaı-aq, osy baǵytta Soltústik Qazaqstan oblysynda «Lider PROF FASHION» JShS jáne Sens Fashion, Jambyl oblysynda «Alensııa» JShS, Pavlodar oblysynda «KazProfBezopasnost» JShS jáne Nur-Sultan qalasynda «Danmard» JShS jumys jasaıdy. Sonymen qatar, Túrkistan oblysynda «GOLDENNOMAD» JShS Saıram aýdanynyń mektepterimen yntymaqtastyq týraly memorandýmǵa qol qoıdy. Saryaǵash jáne Tólebı aýdandarynyń oqý oryndarymen kelisimge qol jetkizildi.
Mektep formasynyń úlgisi, túsi klassıkalyq stılde, bir tústi gammada bolady jáne úshten artyq tús qosylmaýy tıis. Sondaı-aq túster asa ashyq bolmaýy qajet. Bul rette mektep formasy bilim alýshylardyń jas erekshelikterin eskere otyryp engiziledi. Ol - kúndelikti, saltanatty jáne sporttyq bolyp bólinedi.
Uldarǵa arnalǵan mektep formasy: pıdjak, keýdeshe, shalbar, saltanatty kóılek, kúndelikti kóılek (qysqy kezeń: trıkotaj keýdeshe, vodolazka). Uldarǵa arnalǵan shalbar erkin pishilgen jáne uzyndyǵy tobyqty jabatyndaı bolýy tıis.
Qyzdarǵa arnalǵan mektep formasy: pıdjak, keýdeshe, beldemshe, shalbar, klassıkalyq jeıde (qysqy kezeń: trıkotaj keýdeshe, sarafan, vodolazka). Qyzdarǵa arnalǵan shalbar erkin pishilgen jáne uzyndyǵy uzyndyǵy tobyqty jabatyndaı bolýy tıis.
Mektep formasyna qoıylatyn talaptar klımattyq jaǵdaılardy, sabaqtardy ótkizý ornyn jáne temperatýralyq rejımdi eskere otyryp engiziledi.
Kıimder tózimdiligi joǵary, bakterııaǵa qarsy, mıkrobqa qarsy jáne antıstatıkalyq qasıetteri bar jartylaı jún jáne maqta matalarynan tigiledi.
