Qazaqstanda makaron qansha turady
Halyq kóp tutynatyn makaron ónimderi – vermıshel jáne rojkı. Un ónimin etten jasalǵan túrli taǵamǵa, sorpaǵa qosady. Kazinform agenttiginiń tilshisi bul aptada Qazaqstanda suranysqa ıe makaron ónimderiniń aımaqtardaǵy baǵasyn salystyryp kórdi.
Elimizde eń arzan un ónimin Aqtóbe qalasynan tabýǵa bolady. Munda jergilikti taýar óndirýshi salmaǵy 400 gramm bolatyn vermısheldi 164 teńgeden saýdalap jatyr. Al Aqtaýda baǵa sál joǵary. Munda 184 teńgege satylyp jatyr.
Almaty men Petropavl qalalarynda baǵa shamalas bolǵanymen, ártúrli. Munda sóredegi taýar quny 195-330 jáne 195-293 teńge bolyp tur. Qaraǵandyda salmaǵy 400 gramm bolatyn vermıshel 195 teńge. Bul ózge qalalarǵa shamalas baǵa.
Kókshetaý men Tarazdaǵy baǵany salystyrǵan kezde taýar óndirýshilerdiń túrli usynysyn kórdik. Munda 195 teńgeden bastalǵan baǵa 425 teńgege deıin jetti. Al Óskemende vermıshel 197 teńge, Shymkentte 205 teńge.
Elimizdiń ózge óńirindegi baǵalardy da salystyryp kórdik. Qostanaıda 400 gramm vermıshel 236 teńge, Ekibastuzda 249 teńge. Al Jezqazǵanda 265 teńge, Semeıde 293 teńge bolyp tur.
Astana qalasynda baǵa 299-345 teńge. Qonaev qalasynda 310 teńge, Atyraý men Qyzylordada shamamen 350 teńge dep kórsetilgen.
Ózge óńirlerge qaraǵanda Túrkistanda marakon ónimderiniń quny joǵary. Shamamen 390-450 teńgege satylyp jatyr. Al Oralda vermıshel quny 450 teńge bolyp tur.
Rojkıdiń pishini baqalshaqqa óte uqsas bolyp keledi. Makaron óniminiń osy túri elimizdiń árbir óńirinde ártúrli baǵaǵa satylyp jatyr. Salmaǵy 400 gramm bodatyn rojkıdiń aımaqtardaǵy baǵasyn saralaıtyn bolsaq, Qostanaıda 199 teńgege satylyp jatyr. Al Pavlodardaǵy dúken sórelerinde baǵa 215-432 teńgeni kórsetip tur. Astana men Kókshetaýda baǵa 329-435 teńge bolsa, Almaty men Aqtóbede 329-389 jáne 334-388 teńge. Taraz ben Shymkentte makaron ónimi 335-339 teńge.
Elimizdiń batysy Aqtaý men Atyraý qalalarynda baǵa ózgelerge qaraǵanda joǵary. Munda 420 teńgeden satylady. Al Qaraǵandada 425 teńge, Ekibastuzda 435 teńge. Bul joly da Túrkistanda baǵa ózgelerge qaraǵanda joǵary. 400 gramm un ónimi 440 teńge. Al Oral qalasynda 450 teńge bolyp tur.
Óskemende baǵa birkeldi emes. Munda 375-470 teńge aralyǵynda satylyp jatyr.
Aıtyp óteıik, Kazinform buǵan deıin irimshik baǵasyn saralap, arzan nemese qymbatyn anyqtady. Sonymen birge shujyq baǵasyn da salystyrdy.
