Qazaqstanda koronavırýsty emdeý hattamasyna ózgerister engizildi

NUR-SULTAN. QazAqparat – Densaýlyq saqtaý vıtse-mınıstri Ajar Ǵınııat Qazaqstanda naýqastardy koronavırýstan emdeý hattamasyna ózgerister engizilgenin málim etti, dep habarlaıdy QazAqparat tilshisi.

«Emdeýdiń jańa ári tıimi ádisterin búkil álem izdestirip jatyr. Jalpy bul vırýsqa qarsy etıotropty emdeý ádisi joq ekendigin bilesizder. Sol sebepti bizdiń qazaqstandyq ǵalymdar búkil halyqaralyq tájirıbeni zerttep, úzdik ádiskerler hattamalardy barynsha jańartyp, jaqsartyp jatyr. 15 shildede sapa boıynsha birlesken komıssııa jetekshi mamandarmen birlese otyryp, koronavırýstan ınfektsııasynan emdeý hattamasynyń 10-redaktsııasyna ózgerister men tolyqtyrýlardy engizdi», - dedi Ajar Ǵınııat OKQ-da ótken baspasóz máslıhatynda.

Vıtse-mınıstr aıtyp ótkendeı, eń birinshi kezekte emdeý hattamasynan «Lopınavır» men «Gıdroksıhlorohın» alynyp tastalǵan. DDSU keńesi boıynsha bul preparattar tıimsiz dep tanylǵan. Sol sebepti komıssııalyq turǵyda vırýsqa qarsy osy preparattardy alyp tastaý týraly sheshim qabyldady.

«Búgingi kúni Remdesevır men Favıpıravır KVI-dan aýyr túrin emdeýge tıimdi degen málimet bar. Sondyqtan klınıkalyq zertteý men KVI-dyń aýyr túri kezdesken jaǵdaıda vırýsqa qarsy preparat retinde qoldaný úshin klınıkalyq hattamaǵa engizildi. Sonymen birge alǵash ret emdeýdiń ambýlatorııalyq kezeńderi engizildi. Ambýlatorııalyq deńgeıde ystyq túsiretin preparattar men peroral antıkoagýlıanttar engizildi», - dedi ol.

Bul preparattar emhana deńgeıinde tegin berilýi kerek.