Qazaqstanda koronavırýsqa qarsy vaktsınalaý jalǵasýda

NUR-SULTAN. QazAqparat - 23 sáýirdegi málimetke sáıkes, Qazaqstanda koronavırýs ınfektsııasyna qarsy vaktsınanyń birinshi komponentin 9 479 366 adam, ekinshi komponentin 9 232 603 adam saldyrdy. QazAqparat bul týraly COVID-19 taralýyna jol bermeý jónindegi vedomstvoaralyq komıssııa málimetine silteme jasap habarlaıdy.

Aıta keteıik, 22 sáýirdegi jaǵdaı boıynsha, koronavırýs vaktsınasynyń alǵashqy dozasymen egilgender sany 9 478 042 adamdy, ekinshi dozasyn alǵandar 9 229 896 adamdy quraǵan bolatyn.