Qazaqstanda kólik jýý qyzmeti qansha
ASTANA. KAZINFORM — Elimizde kólik jýý, tazalyqshylardyń qyzmetine júginý qyzmeti orta eseppen 3000 teńgege shyǵyp tur, dep habarlaıdy Kazinform agenttiginiń tilshisi.
Reıtıng jasaǵan kezde kóliktiń syrtyn jýý qyzmetine mán berdik. Eń arzany jeńil kólik bolsa, ári qaraı kóliktiń kólemine qaraı baǵa óse beredi. Kólik jýý qyzmetinde «GAZel» avtokóligin jýý baǵasy joǵary.
Eń arzan qyzmet Atyraý qalasynda bolyp shyqty. Munda jeńil kólikti 900 teńgege jýýǵa bolady. Al Ekibastuzda baǵa 1200-3600 teńge aralyǵynda bolyp tur.
Elimizdiń ońtústik astanasynda da baǵa qoljetimdi bolyp tur. Munda kólik jýý quny — 1500-4500 teńge. Aıtyp óteıik, Almatyda kólik jýý ortalyǵy kóp jáne qyzmet quny qymbat emes.
Al Petropavl men Oralda qyzmettiń bul túri 1900 teńgeden bastalady. Bul qalalarda kóbine baǵa 2000 teńge bolyp tur. Pavlodar, Semeı, Aqtaý, Túrkistan men Taldyqorǵanda da osy baǵaǵa kólik jýýǵa bolady.
Óskemende eń arzan qyzmet túri — 2100 teńge. Al eń qymbaty — 4500 teńge. Odan keıin Qostanaı qalasy tur. Bul qalada kólik jýý qyzmetiniń quny 2200 teńge. Al Kókshetaýda odan 100 teńgege qymbat. Munda qyzmet túri 2300-4700 teńge bolyp tur.
Qaraǵandy men Jezqazǵanda baǵa birkeldi. Kólik jýý qyzmetiniń quny — 2400-4500 teńge. Odan keıingi orynda Aqtóbe tur. Qalada baǵa 2500-8000 teńge aralaǵynda.
Ekinshi orynda Qyzylorda men Shymkent qalalary tur. Munda kólik jýý qyzmeti 3000 teńgeden bastalady. Al eń qymbaty Taraz ben Astana qalalary. Muda kólikti 3500 teńgeden jýdyrýǵa bolady.
Qazaqstandaǵy ortalyqtar kóliktiń syrtyn jýyp qana qoımaı, keshendi tazalaýdy da usynady. Máselen «kýzov+salon» qyzmetinde baǵa eki esege ósedi. Sonymen birge júk salǵyshty, kilemsheni jýady. Eki qaıtara, úı qaıtara jýý qyzmeti 12-15 teńgege deıin barady.
Sonymen birge elimizde kólikti óziń de jýyp alasyń bolady. Mundaı qyzmet 500 teńge turady.
Buǵan deıin elimizdiń óńirderinde qurylys materıalynyń baǵasy qansha ekeni jazyldy.
Sonymen birge fıtnes-ortalyq abonementiniń, súndetteý qyzmetiniń baǵasyn bildik.