Qazaqstanda kóktemgi merzimdi áskerge shaqyrý bastaldy
ASTANA. KAZINFORM – Bıyl 20 myńnan astam azamat ásker qataryn tolyqtyrady. Bul týraly QR Qarýly kúshteri bas shtaby uıymdastyrý-jumyldyrý jumystary departamenti bastyǵynyń orynbasary, polkovnık Azamat Dosymov aıtty.
«Prezıdenttiń 2024 jylǵy 1 aqpandaǵy №443 jarlyǵyna sáıkes, 1 naýryzdan jergilikti atqarýshy organ ákimderi orynbasarlarynyń basqarýymen qalalyq jáne aýdandyq áskerı qyzmetke shaqyrý komıssııalary azamattardy kóktemgi áskerge shaqyrýdy bastady. 2024 jyldyń 30 maýsymyna deıin Qarýly kúshterdiń jáne ózge de áskerler men áskerı quramdardyń qataryn áskerge shaqyrýǵa keıingi qaldyrýǵa nemese odan odan bosatýǵa negizi joq 18-den 27 jasqa deıingi aralyqtaǵy 20 myńnan astam er-azamat tolyqtyrady. Onyń ishinde Qarýly kúshterge – 9 myńnan astam, Ulttyq ulanǵa – 6 myńnan astam, shekara qyzmetine – 3 myńǵa jýyq, Tótenshe jaǵdaılar mınıstrligi – 300-den astam, memlekettik kúzeti qyzmetine 300-ge jýyq adam shaqyrylady», - dedi Azamat Dosymov Ortalyq kommýnıkatsııalar qyzmetindegi brıfıngte.
Áskerge shaqyrylýshylardy habardar etý shaqyrý qaǵazdary 1414 qyzmeti arqyly SMS-habarlama jiberý jolymen júrgiziledi.
Shaqyrý týraly aqparatty qorǵanys isteri jónindegi departamentterdiń resmı áleýmettik akkaýnttary men elektrondyq poshta jáshikteri arqyly alýǵa bolady.
