Qazaqstanda qyzyl jáne qara ýyldyryq baǵasy qansha
Jańa jyl merekesi qarsańynda jeńsik asqa suranys artyp, baǵasy da kóteriledi. Kazinform agenttiginiń tilshisi qyzyl jáne qara ýyldyryq baǵasyn salystyrdy.
Jańa jylǵa birer apta qaldy. Qazirdiń ózinde qazaqstandyqtar merekelik dastarhannyń mázirin josparlap júr. Ústeldiń sánin keltirer taǵamnyń biri - qyzyl jáne qara ýyldyryq. Dúken sórelerinde ýyldyryq arnaıy ydysqa salynyp, grammdap satylady. Al keıbir kásipkerler kúni buryn tabıǵı jeńsik asty aldyn ala tapsyryspen aldyryp, kelilep satýǵa shyǵarady. Baǵany salystyrý úshin jeńsik astyń kelisiniń qunyn bildik.
Pavlolar qalasynda qyzyl ýyrdyryq baǵasy ózge óńirlerge qaraǵanda tómen bolyp shyqty. Munda aqserke balyǵynyń ónimi, ıaǵnı, ýyldyryqtyń 140 grammy 3 300 teńge, al 220 grammy 2905 teńge. Al keta balyq óniminiń 200 grammy 10 3530 teńge (kelisi 25 000 teńgeden bastalyp, 60 000 teńgege deıin jetedi).
Shymkent qalasynda qyzyl ýyldyryq quny mynadaı: baqtaq (forel) balyǵynyń ónimi – 35 000–48 000 teńge, qunysbalyq (gorbýsha) ýyldyryǵy – 65 000–80 000 teńge, keta ýyldyryǵy 74 000 – 90 000 teńge aralyǵynda. Bul kelilep satylatyn qyzyl ýyldyryq quny.
Al ydystaǵy ýyldyryq baǵasy ózge. Bul óńirde 350 gramm ýyldyryq quny – 31 000 teńgeden, 220 grammy – 21 000–25 000 teńge, 120 grammy – 12 000–19 000 teńge, 100 grammy – 10 000 teńge.
Bekire ýyldyryǵynyń 100 grammy 45 000–65 000 teńge jáne 50 grammy 25 000–32 000 teńgege (kelisi 450 myńnan bastalyp, 600 myń teńgege jetedi) satylady. Al Atyraýda qyzyl ýyldyryq baǵasynyń kelisi 34 000 teńge bolsa, qunysbalyq ýyldyryǵy 50 000 teńge.
Qostanaı qalasynda baqtaq balyǵy ýyldyryǵynyń kelisi 36 000 teńgeden bastalady. Al qunysbalyqtyń ýyldyryǵyn 53 000 teńgege satyp alýǵa bolady. Salmaǵy 200 gramm ydystaǵy ýyldyryq quny – 11 280 teńge. Qara ýyldyryqty aldyn ala tapsyryspen alý kerek. Onyń kelisi – 310 000 teńge.
Almaty men Qonaevta qyzyl ýyldyryqtyń kelisi 40 000 teńge jáne odan joǵary. Keta balyǵynyń ýyldyryǵy – 55 000 teńge, qunysbalyq ýyldyryǵy – 65 000 teńge. Qara ýyldyryqtyń kelisi – 300-370 myń teńge.
Túrkistandaǵy baǵa da osy shamalas. Qyzyl ýyldyryqtyń kelisi 40 000 teńgeden bastalyp, keı jerlerde 55 000 teńgege deıin jetedi. Baǵa surpy men óndirýshige baılanysty ózgerip tur. Qara ýyldyryqtyń 100 grammy 25 000 – 35 000 teńge bolsa, sáıkesinshe kelisi 250–350 myń teńge.
Aqtóbe qalasynda qyzyl ýyldyryq baǵasynyń kelisi 40 000 teńgeden bastalady. Qunysbalyq ýyldyryǵynyń kelisi – 55 000-63 000 teńge, keta balyǵynyń ýyldyryǵy – 60 000 – 68 000 teńge.
Baǵa Semeı qalasynan bastap joǵarylaıdy. Munda qunysbalyq ýyldyryǵynyń kelisi – 55 000 teńge, al baqtaq balyǵy ýyldyryǵynyń kelisi – 42 000 teńge. Bekireniń qara ýyldyryǵynyń kelisin 650 myń teńgege satyp alýǵa bolady (50 grammy shamamen 40 000 teńge).
Kókshetaý qalasynda qyzyl ýyldyryqtyń túri kóp, baǵasy ártúrli. Dúken sóresinde ýyldyryqtyń bul túriniń kelisi 42 000 teńgeden bastalyp, 69 000 teńgege deıin jetti. Arnaıy ydysqa salynǵan 100 gramm ýyldyryqty 3 995 – 6 865 teńgegege, 200 grammyn 13 995 – 15 384 teńgege satyp alýǵa bolady. Qara ýyldyryqtyń 100 grammy 60 000 teńge shamasynda (kelisi 600 000 teńge).
Aqtaý qalasynda baqtaq balyǵy ýyldyryǵynyń kelisi – 44 000 teńge, qunysbalyq ýyldyryǵy – 66 000 teńge, keta balyǵynyń ónimi – 70 000 teńge. Qara ýyldyryqtyń 250 grammy – 91 000 teńge (kelisi shamamen 364 myń teńgege shyǵyp tur).
Astana qalasynda qara ýyldyryqtyń kelisi 270–290 myń teńge aralyǵynda. Al arnaıy ydysqa salynǵan, salmaǵy 500 gramm bolatyn ýyrdyryqty 135–145 myń teńgege satyp alýǵa bolady. Qunysbalyq ýyldyryǵynyń kelisi – 45 000 teńge, keta balyǵynyń ónimi – 50 000 tenge.
Óskemen qalasynda baǵa joǵary. Munda turǵyndar qunysbalyq ýyldyryǵynyń kelisin 55 000 teńgege, keta ýyldyryǵyn 60 000 teńgege satyp alyp júr. Amýr bekiresiniń qara ýyldyryǵyn 400 000 teńgege baǵalaıdy (100 grammy – 40 000 teńge).
Ári qaraı Petropavl qalasy jaıǵasty. Qyzyl ýyldyryqtyń kelisi shamamen 60 000 teńge. Al 120 grammy – 8 636 teńge, 140 grammy – 9 081 teńge (kelisi shamamen 65 000 – 70 000 teńge). Qara ýyldyryqtyń 57 grammy 50 000 teńge bolsa, 125 grammy 108 000 teńgege (kelisi 870 000 teńge) shyǵady.
Taraz qalasynda qyzyl ýyldyryqtyń kelisi 65 000 – 78 000 teńge aralyǵynda. Tutynýshylar kóbine bul ónimdi grammdap satyp alady. Kıjých ýyldyryǵynyń 100 grammy – 6 500–7 200 teńge, keta ýyldyryǵy – 7 200–7 800 teńge, qunysbalyq ýyldyryǵy – 6 800–7 500 teńge.
Oralda qyzyl ýyldyryq ashyq satylymda bar. Al qara ýyldyryqty tabý qıynǵa túsedi. Tabylsa qara ýyldyryqtyń 100 grammy 30 000 teńgege (kelisi 300 – 400 myń teńge) baǵalanady. Aqserke balyǵynyń qyzyl ýyldyryǵy shamamen 65 000 teńge. Baǵa ónimniń surpy men óndirýshige baılanysty ózgeredi.
Qyzylordada qyzyl ýyldyryq baǵasy shamamen – 70 000 teńge.
Taldyqorǵanda baǵa ártúrli. Máselen qyzyl ýyldyryqtyń kelisi 74 000 – 126 000 teńge aralyǵynda. Sonymen birge ýyldyryqty grammdap ta satady. Keta balyǵynyń 200 gramm ýyldyryǵynyń baǵasy – 18 480 teńge, qunysbalyq ýyldyryǵy – 14 840 teńge. Al 500 grammy – 61 100 tenge, 360 grammy – 45 500 teńge. Qara ýyldyryqtyń 50 grammy – 28 080 teńge (kelisi 560 myń teńge).
Eń joǵary baǵa Qaraǵandy men Jezqazǵanda tirkeldi. Qaraǵandylyqtar qyzyl ýyldyryqtyń 100 grammyn 9 000 teńgege satyp alady (kelisi shamamen 90 000 teńge). Qara ýyldyryqtyń 100 grammy 26 000 teńge bolsa, kelisi sáıkesinshe 260 myń teńgege shyǵady. Jezqazǵanda qyzyl ýyldyryqtyń kelisi – 120 000 teńge, qara ýyldyryq kelisi – 280 000 teńge.
Buǵan deıin Qazaqstandaǵy mandarın baǵasyn bildik.
Sonymen birge óńirlerdegi soǵym baǵasyn salystyrdyq.