Qazaqstanda keıbir dári-dármek tegin berilmeıtin boldy

ASTANA. KAZINFORM — Elimizdiń bas dárigeriniń 2021 jylǵy 5 tamyzdaǵy belgili bir aýrýy bar azamattardyń jekelegen sanattaryn tegin qamtamasyz etýge arnalǵan dáıtri-dármek pen medıtsınalyq buıymdar tizbesin bekitý týraly buıryǵyna ózgeris engizilmek. 

Buıryq jobasy Ashyq NQA saıtynda jarııalandy. 

Keıbir preparattar tizimnen shyǵarylady, óıtkeni ólimge jáne múgedektikke ákelýge áser etpeıdi. 

Ózge preparattardy epıdemıologııalyq derekterdiń bolmaýyna jáne olarǵa qajettilikti esepteý múmkin emestigine baılanysty alyp tastaý jóninde sheshim qabyldanǵan. 

Osylaısha tizimnen 32 dertke taǵaıyndalǵan preparattar alynady. 

Olardyń qatarynda asqazan men 12 eli ishektiń oıyq jarasy, pnevmonııa, sınýsıt, keratıt, endometrıoz, nesep-jynys júıesiniń sozylmaly ınfektsııalary jáne ózge de aýrýlar bar. 

Tizimnen shyǵarylatyn preparattarǵa omeprazol, amoksıtsıllın, klarıtromıtsın, metronıdazol, karbamazepın, prednızolon, hloropıramın jatady. 

Densaýlyq saqtaý mınıstrligi buıryǵynyń jobasy 18 shildege deıin qoǵamdyq talqylaýǵa usynylyp otyr.