Qazaqstanda qaıtarylmaǵan bank nesıesi 700 mlrd teńgege jetti

ALMATY. QazAqparat - Ekinshi deńgeıli bankterden nesıe alyp, qaıtarmaǵan qazaqstandyqtardyń merzimi ótken bereshegi 700 mlrd teńgeni quraıdy, dep habarlaıdy QazAqparat tilshisi.

«1 shildedegi ahýal boıynsha jeke tulǵalardyń qaryzy 4 544 mlrd teńge. Bul bank sektoryndaǵy qaryz portfeliniń 33,7 paıyzy. Al tulǵalardyń merzimi ótken bereshegi 691,9 mlrd teńgege jetken», - delingen agenttiktiń retteýshi bankke joldaǵan saýalyna bergen jaýabynda.

1 shildedegi ahýalǵa súıensek, 4,58 mln qazaqstandyq qaryz alǵan.

Sondaı-aq basqarýshy bank mıkroqarjy sektory boıynsha jeke esep júrgizgen. 1 shildedegi jaǵdaıǵa sáıkes mıkroqarjy uıymdarynan 306,8 adam jalpy somasy 188,1 mlrd teńge qaryz alǵan.

 

«379,2 myń adamnyń 90 kúndik merzimi ótken bereshegi bar. (Bul jalpy qaryz alýshylardyń 8,3 paıyzynyń kórsetkishi)», - dep málim etti Ultyq banktegiler.