Qazaqstanda qasqyr atý talaptaryna ózgerister engizildi

ASTANA. QazAqparat – Qazaqstanda qasqyrlardy atý talaptaryna ózgeris engizildi. Osyǵan qatysty tıisti buıryq qabyldandy, dep habarlaıdy QazAqparat Orman sharýashylyǵy jáne janýarlar dúnıesi komıtetine silteme jasap.

«Qazirgi tańda, qasqyrlarǵa retteýdi júrgizý, olardyń sany týraly derekterdiń tolyq bolmaýyna negizdelýine baılanysty, ekojúıege nuqsan keltirilýde, sondaı-aq aýyl sharýashylyǵyna nuqsan kelý qaýpi tómendegen joq. Qasqyr, basqa túrler sııaqty ańshylyq obektisi bolyp tabylady. Qasqyr sanyn aýmaqtyq ınspektsııalar esepteıdi. Qasqyrlardyń úı janýarlaryna shabýy jaǵdaıynda ańshylyq merziminen tys retteý múmkinshiligin saqtaı otyryp lımıt jáne kvotalar bólinýi tıis. Osyǵan baılanysty, qasqyrdy ańshylyq túrler sanatyna aýystyrý boıynsha sheshim qabyldandy», - delingen komıtet habarlamasynda.

Qasqyrdy ańshylyq túrler sanatyna aýystyrý tıisti memlekettik mekemelermen kelisile otyryp qabyldandy.