Qazaqstanda kásiporyndardy tsıfrlandyratyn ortalyqtar ashylady
Bul týraly QR Investıtsııalar jáne damý mınıstrligi Strategııalyq josparlaý jáne taldaý departamentiniń ókili Quralbaı Buharbaev Astana ákimdiginde ótken «Básekege qabiletti bıznes - básekege qabiletti ekonomıka» kezdesýinde aıtyp berdi.
«Ózderińizge málim, qazirgi ýaqytta «Nurly jol» baǵdarlamasyn júzege asyryp jatyrmyz. Baǵdarlamaǵa sáıkes jyl saıyn avtomobıl joldaryn jóndeý jáne jańǵyrtý boıynsha bıýdjet qarajaty ıgeriledi. «Batys Eýropa - Batys Qytaı» tas joly osy baǵyttaǵy iri jobanyń biri bolyp tabylady. Sol sııaqty, 304 shaqyrym bolatyn «Almaty-Qorǵas» tas jolynyń qurylysy tolyq aıaqtaldy. Sondaı-aq, qazirgi ýaqytta Almaty qalasyndaǵy kólik júktemesin azaıtý úshin Almatynyń úlken aınalma joly salynyp jatyr. Infraqurylym aıasynda áýe qatynasy da damyp keledi. Memleket tarapynan Qazaqstan ishindegi 17 áýe baǵyty qarjylandyrylyp, 13 jańa halyqaralyq áýe qatynasy ashyldy. Semeı, Qostanaı termınaldaryna jóndeý júrgizilip, Almatynyń ushý-qoný jolaǵy jańǵyrtyldy», - dedi Quralbaı Buharbaev jýrnalısterge bergen suhbatynda.
Onyń aıtýynsha, kásiporyndardy tsıfrlandyrýǵa da erekshe kóńil bólinip otyr.
«Respýblıka boıynsha júzege asyrylyp jatqan «Tsıfrlyq Qazaqstan» baǵdarlamasy aıasynda bizdiń mınıstrlik kompanııalardyń básekege qabilettiligin arttyryp jatyr.
Atap aıtar bolsaq, «Tsıfrlyq Qazaqstan» aıasynda bizde jańa Quzyret ortalyqtary qurylady. Ol ortalyqtar kásipkerler men mamandardy óz salalaryn tsıfrlandyrý boıynsha jańa baǵyttarmen qamtamasyz etedi. ıAǵnı, quzyret ortalyqtary Qazaqstanda buǵan deıin bolmaǵan jańa baǵyttar úshin uıymdastyrylady. Máselen, taý-ken-metallýrgııa kesheniniń nemese kenishtiń tsıfrlyq ádis boıynsha jumys isteýin alaıyq. Bul tsıfrlandyrý shyǵyn materıaldaryn, adam resýrstaryn únemdeýge múmkindik beredi jáne eńbek ónimdiliginiń tıimdiligin arttyrady. Qazaqstan jańadan engizip jatqan addıtıvti tehnologııalar, 3D prıntıngter kásiporyndarda paıda bolady», - dedi Quralbaı Buharbaev.
