Qazaqstanda qartaıý ındeksi ózgerdi

ASTANA. KAZINFORM – 2024 jyly Qazaqstanda qartaıý ındeksi 31,1 bolyp ózgergen, bul ótken jylmen salystyrǵanda 1,6 paıyzdyq tarmaqqa joǵary (2023 jyly 29,5). Bul týraly Ulttyq statıstıka bıýrosy málim etti. 

Ulttyq statıstıka bıýrosynyń málimetine saı, 0 men 15 jas aralyǵyndaǵy árbir 100 balaǵa 65 jastan asqan 31,1 qarııadan keledi.

— Al, óńirlerde eń joǵary deńgeı Soltústik Qazaqstan oblysynda tirkelgen — 78,1, odan keıin Shyǵys Qazaqstan (76) jáne Qostanaı oblystary (66,4). Qartaıý ındeksiniń eń tómengi kórsetkishi Mańǵystaý oblysynda, onda 100 balaǵa 65 jastan asqan 15,2 qarttan keledi, — delingen habarlamada.

Eń tómen kórsetkish Túrkistan oblysynda (15,9) sondaı-aq Shymkent qalasynda (16,1) tirkelgen. Aıta keteıik, qalalyq jerlerde qartaıý ındeksi aýyldyq jerlerge qaraǵanda joǵary — tıisinshe 33,4 jáne 27,5.

— Qartaıý ındeksi — 100 balaǵa shaqqanda egde jastaǵy adamdar sanyn sıpattaıtyn halyqtyń jas quramynyń kórsetkishi. Ol 65 jastan asqan halyq sanynyń 0-14 jas aralyǵyndaǵy halyq sanyna qatynasy retinde esepteledi, — dep habarlady bıýrodan. 

Buǵan deıin habarlanǵandaı, 5 jylda elimizde ajyrasý sany 7,5 myńǵa tómendedi.