Qazaqstanda qant baǵasy qansha
Elimizde qant baǵasy qubylmaly bolyp tur. Turmysta da, óndiriste de suranysqa ıe bolǵan soń tutynýshylar onyń baǵasy únemi nazarda ustaıdy. Kazinform óńirlerdegi baǵany salystyrdy.
Elimizdiń keıbir qalalarynan qanttyń kelisin 360-390 teńgege satyp alýǵa bolady. Qazirgi kezde Oral, Aqtaý, Aqtóbe men Atyraý qalalarynda baǵa tómen. Bul óńirlerde qant qoljetimdi ári kez kelgen jerden satyp alýǵa bolady.
Al Pavlodar, Taldyqorǵan, Almaty, Shymkent, Qyzylorda, Kókshetaý, Qaraǵandy, Jezqazǵan, Óskemen, Astana, Petropavl, Qostanaı, Qonaev pen Túrkistanda qanttyń kelisi 400-550 teńge aralyǵynda. Taraz qalasyndaǵy baǵany ózgelerge salystyrýǵa kelmeıdi. Munda qanttyń kelisi 1 000 teńgege deıin barady. Demek baǵa ózge óńirlerge qaraǵanda shamamen eki esege joǵary.
Sonymen birge keıbir óńirde baǵa qubylmaly bolyp tur. Máselen Túrkistan men Qonaevta qanttyń kelisi 370 teńgeden bastalyp, 550 teńgege deıin jetti. Al arnaıy qorapqa salynǵan shaqpaq qant baǵasy odan da qymbat.
Aıtyp óteıik, Qazaqstanda qant jasaý kezinde qyzylsha men qant quraǵy shıkizat retinde qoldanylay. Qant quraǵynan daıyndalǵan qant qońyrqaı ári tátti bolyp keledi. Ony kóbine tabıǵı ári hosh ıisti dep qabyldaıdy. Al qyzylshadan ázirlengen qant aqshyl ári dámi qatty tátti bolmaıdy. Osyǵan qaramastan eki qanttyń da baǵasy shamalas bolyp keledi. Tek keıbir óńirde logıstıka men suranysqa baılanysty quny joǵary bolýy múmkin. Bólshek saýdada kóbine qyzylshadan jasalǵan qant satylady.
Qorytyndylasaq, qant satyp alǵanda onyń baǵasyna ǵana emes, sapasyna, túrine de mán berý kerek. Sonymen birge óńirlerde baǵa áli de ózgerip jatyr.
Buǵan deıin elimizde qazynyń baǵasy qansha ekenin bildik.