Qazaqstanda qansha kıik aýlandy
ASTANA.KAZINFORM – Shilde aıynyń basynan bastap Qazaqstanda kıikterdiń sanyn retteý maqsatynda atý jumystary júrgizilip keledi.
Ekologııa jáne tabıǵı resýrstar mınıstrliginiń málimetinshe, búgingi kúnge deıin tabıǵı ortadan 31 003 bas kıik alyndy.
Brakonerliktiń aldyn alý úshin popýlıatsııa sanyn retteý jumystaryn «Ohotzooprom» óndiristik birlestigi júzege asyryp jatyr.
Búkil protsess Orman sharýashylyǵy jáne janýarlar dúnıesi komıtetiniń aýmaqtyq bólimsheleriniń baqylaýynda.
– Qazaqstan Respýblıkasy Ǵylym jáne joǵary bilim mınıstrligi Ǵylym komıtetiniń «Zoologııa ınstıtýty» RMK ázirlegen bıologııalyq negizdemege sáıkes, kıik popýlıatsııasynyń sanyn retteý jumystaryn 2025 jyldyń 30 qarashasyna deıin jalǵastyrý usynylǵan, – delingen mınıstrliktiń KAZINFORM agenttigine bergen jaýabynda.
Sonymen qatar Ekologııa jáne tabıǵı resýrstar mınıstrligi 6 qyrkúıekte Qostanaı oblysynyń Jangeldi aýdanynda qaldyrylǵan kıik qaldyqtary týraly taraǵan aqparatqa baılanysty túsinik bergen bolatyn.
Sondaı-aq Pavlodarda kıik sany bir jazda úsh ese kóbeıgen. Qazirgi ýaqytta óńirdegi aqbókenderdiń sany 90 myńnan asqanyn jazǵanbyz.