Qazaqstanda qansha kıik atylýy múmkin

ASTANA. KAZINFORM — Ekologııa jáne tabıǵı resýrstar mınıstri Erlan Nysanbaev eldegi kıik sanyn retteýge qansha kıik jiberiletinin aıtty.

Mınıstr ótken aptada kıik sanyn retteý boıynsha ǵylymı negizdeme jarııalanǵanyn, qazir uıymdastyrýshylyq máselelerdi qarap jatqanyn aıtty.

— Biz 1-2 kún ishinde óz sheshimimizdi jarııalaımyz. Ǵalymdar usynǵan negizdemege sáıkes, búkil popýlıatsııanyń 20 paıyzy retteýge jatady. Kóktemgi sanaq qorytyndysy boıynsha elimizde jalpy sany 3 mıllıon 900 myń kıik bar, onyń ishinde 2 mıllıon 300 myńy — Oral popýlıatsııasy, 1 mıllıon 600 myńy — Betpaqdala popýlıatsııasy, al 700–800 myńdaı shaǵyn popýlıatsııa — Ústirtte, — dedi Ekologııa mınıstri Úkimette ótken baspasóz máslıhatynda.

Sondyqtan shamamen 4 mıllıon kıiktiń ishinen 800 myńyn retteý kerek.

— Onda jynystyq-jas ereksheligi boıynsha quramy da anyqtalǵan: 40 paıyzy — atalyq kıikter, 40 paıyzy — analyq, 20 paıyzy — bıylǵy tólder (laqtar) bolýy kerek. ıAǵnı bizde naqty sandar men parametrler bar, qazir sol boıynsha daıyndyq júrgizilip jatyr, — dedi E. Nysanbaev.

Budan buryn Ekologııa jáne tabıǵı resýrstar mınıstri Erlan Nysanbaev elimizdiń Qytaıǵa 1500 kıikti syıǵa tartýyna qatysty oıyn ortaǵa saldy.