Qazaqstanda qandaı mamandar suranysta bolady

ASTANA. KAZINFORM – Eńbek resýrstaryn damytý ortalyǵynyń vıtse-prezıdenti Shalqar Baıqulaqov keleshekte elimizde qandaı mamandarǵa suranys artatynyn aıtyp berdi.

– Bizdiń boljamymyz boıynsha, 2030 jylǵa deıin 1,8 mln jumysshy suranysta bolady. Sonyń 1 mıllıony – slesar, tokar, kranshy sekildi jumysshy mamandyqtary bolady. Sol sebepti solarǵa suranys artqanyn kórip otyrmyz. Kelesi másele – demografııamyz ósip keledi, adam sany kóbeıgendikten muǵalimder men dárigerler kóbirek kerek bolady, – dedi Sh. Baıqulaqov agenttiktiń «Bizdin orta» podkastynda.

Májilis depýtaty Juldyz Súleımenovanyń aıtýynsha, demografııanyń ósýi áleýmettik ınfraqurylymǵa da úlken júkteme artady, sol sebepti qurylysshylar, onyń ishinde turǵyn úı, mektep, aýrýhana salasyn qurylys mamandary qajet bolady.

– Buǵan deıin jyl saıyn 120 myń jas túlek mektepti aıaqtaıtyn, al 2023 jyly 400 myń bala 1-synypqa bardy. Demek 11 jyldan keıin 400 myń túlek oqýǵa keledi. ıAǵnı, osyndaı úsh ese kóp mıgratsııalyq tolqyn bolady, olarǵa úsh ese kóp aýrýhana kerek, úsh ese kóp ýnıversıtter men jumys oryndary kerek. Olar tutynýshy bolǵandyqtan, jeńil ónerkásipti de jolǵa qoıý kerek. Biz josparly ekonomıkadan bas tarttyq desek te, báribir elimizge saraptamalyq taldaý men jospar kerek, – dedi Májilis depýtaty.

Sonymen birge, podkast qonaqtary AES qurylysy sekildi jańa iri jobalar men jańa trendterge beıimdelýdiń de mańyzdy ekenin atap ótti.

Osyǵan deıin jasandy ıntellekt Qazaqstannyń eńbek naryǵyna qalaı áser etetinin týraly jazdyq.