Qazaqstanda qandaı banknot eskirgen

ASTANA. KAZINFORM— Ulttyq banktiń 2024 jylǵy 5 shildedegi qaýlysymen QR Ulttyq valıýtasynyń banknottary men monetalarynyń tólem qabilettiligin aıqyndaý qaǵıdalaryna ózgerister men tolyqtyrýlar engizildi.

Qujatqa sáıkes kelesideı zaqymdanǵan banknottar eski banknot bolyp sanalady:

• boıaǵysh zat tógilgen;
• bóten jazýlary bar, sonyń ishinde: ýltrakúlgin sáýlede kórinetin arnaıy hımııalyq untaqpen óńdelgen;
• mashınada oqylatyn belgileri bar;
• jelimdelgen nemese bir banknotqa jatatyn jelimdelmegen bólikteri jáne Ulttyq Bank belgilegen banknot mólsheriniń keminde 70 %-yn quraıtyn jyrtylǵan banknottar;
• buryshynan nemese shetinen banknottyń jalpy kóleminiń 1%-dan astamy joǵalǵan, biraq Ulttyq Bank belgilegen banknot mólsheriniń keminde 70%-y saqtalmaǵan banknottar;
• jyrtylǵan, móldir taspamen jelimdelgen banknottar;
• ótelgenin kýálandyratyn jaǵdaılardy qospaǵanda, dıametri 3 jáne odan da kóp mıllımetr tesikteri nemese sańylaýlary bar banknottar;
• banknottyń sýretin joǵaltatyn syzattardyń bolýy;
• banknot sýretiniń kórinbeýine ákeletin aldyńǵy nemese artqy beti lastanǵan banknottar;
• lastaný degenimiz - shań, kir, maı jáne basqa lastaýshy zattardyń bolýyna baılanysty banknottyń betiniń qarańǵylanýymen sıpattalatyn banknottyń jaǵdaıy;
• qaǵazy qattylyǵyn joǵaltqan banknottar;
• banknottardy saqtaýǵa jáne qaýipsiz tasymaldaýǵa arnalǵan qurylǵylarda qoldanylatyn arnaıy boıaýlarmen boıalǵan;
• Ulttyq bank belgilegen mólsherden 50% jáne odan da kóp paıyzyn joǵaltqan banknottar, "ÚLGІ", "OBRAZETs", "SPECIMEN", "MÝLıAJ" degen jazýy bar banknottar, sondaı-aq túpnusqa banknottardyń fragmentteri bar jáne tilimderi bar banknottar tólemge jaramsyz.

Qaýly 2024 jyldyń 30 shildesinde kúshine enedi.