Qazaqstanda IT mamandardyń tól merekesi paıda bolýy múmkin

ASTANA. QazAqparat – 10 qarasha - tsıfrlandyrý jáne aqparattyq tehnologııalar qyzmetkerleri kúni bolyp bekitilýi múmkin. Mundaı usynys ashyq talqyǵa shyǵarylǵan Tsıfrlyq damý, ınnovatsııalar jáne aeroǵarysh ónerkásibi mınıstrliginiń qaýlysynda kórsetilgen, dep habarlaıdy QazAqparat tilshisi.

«Tsıfrlandyrý jáne aqparattyq tehnologııalar salasyndaǵy qyzmetkerlerdiń eńbek ujymy eńbek naryǵynda suranysqa ıe bolyp otyr. Kásibı merekeni engizý – tsıfrlyq transformatsııany júrgizetin memlekettik qyzmetshiler men IT-naryǵynyń qatysýshylary úshin mańyzdy. Olardyń sany 155 myńnan asady. Alaıda, osyndaı mereke bolmaǵandyqtan, tsıfrlandyrý jáne aqparattyq tehnologııalar salasyndaǵy qyzmetkerlerdiń ózderiniń kásibı merekelerin atap ótý múmkindigi joq. Osyǵan baılanysty olar biryńǵaı kásibı qoǵamdastyq salasynadaǵy ózderiniń orynyn sezinbeıdi. Sondyqtan atalǵan kásibı merekeni tizimge engizý - korporatıvtik mádenıettiń odan ári damýyna yqpal etedi» delingen qaýlyda.

Qosa ketsek, buǵan deıin Senat 25 qazandy Respýblıka kúni ulttyq merekesi retinde belgileıtin zań qabyldaǵan bolatyn.

Mádenıet jáne sport mınıstri Dáýren Abaevtyń aıtýynsha, atalǵan aıtýly kún qazaqstandyqtar úshin demalatyn ulttyq mereke bolady.