Qazaqstanda iskerlik belsendilik ındeksi ósken

ALMATY. QazAqparat — QR Ulttyq bank qarjy-nesıe júıesi departamentiniń dırektory Jandos Shaımardanov aqpanda iskerlik belsendilik ındeksi 0.6 pýnktke, ıaǵnı 49-ǵa deıin óskenin aıtty, dep habarlaıdy QazAqparat tilshisi.

Qyzmet kórsetý salasynda qańtarda iskerlik belsendilik ındeksi 47,4 bolsa, aqpanda 49,2-ge kóterilgen.

Qurylys salasynda qańtarda 51,1-den 47,4 ke azaıǵan.

Ónerkásipte 49,4-ten 49-ǵa deıin tómendegen.

«Aqpanda Soltústik Qazaqstan oblysynda (54.0), Nur- Sultanda (52,2), Túrkistan oblysynda (42,6) iskerlik belsendilik kórsetkishi artqan. Sondaı-aq, ótken aıda kásiporyndardaǵy bıznes belsendilik artqan. Infrastrýktýra, qarjy jáne nesıege qoljetimdilik, sondaı-aq bıznesti qorǵaý jaqsarǵan. Alaıda, bızneske keri áser etetin ónimge jáne qyzmetke salynatyn salyqtyq júkteme sol kúıinde qalyp otyr»,-deıdi Jandos Shaımardanov.

Aldaǵy 6 aıda kórsetiletin qyzmet ındeksi 24 bolýy yqtımal. Bıznes klımat ındeksi qańtarda - 6 bolsa, aqpanda - 11,9 quraǵan.

Saýalnamaǵa barlyǵy 457 kásiporyn: qurylys salasynan - 66, ónerkásip salasynan - 175, qyzmet salasynan - 216 kásiporyn qatysqan.