Qazaqstanda ınternet alaıaqtyqpen kúresetin arnaıy jedel-tergeý toby quryldy

NUR-SULTAN. QazAqparat – Qazaqstanda ınternet alaıaqtyqpen kúres maqsatynda arnaıy jedel-tergeý toptary quryldy.

Bul týraly QR ІІM Krımınaldyq polıtsııa departamenti kıberqylmysqa qarsy kúres ortalyǵy basshysynyń mindetin atqarýshy Rústem Dúısetaev málim etti, dep habarlaıdy QazAqparat tilshisi.

«Qazirgi tańda azamattardyń aqshasyn aldaý jolymen zańsyz ıemdený - qylmystardyń eń kóp taraǵan túri. Atalǵan qylmys túrimen kúresý elimizde jáne búkil álemde ózekti máselelerdiń biri. Memleket basshysy ótken jylǵy Qazaqstan halqyna joldaýynda alaıaqtyq qylmystarǵa qarsy naqty sharalar qabyldaý kerek ekenin atap ótken edi», - Rústem Dúısetaev mınıstrlikte onlaın ótken baspasóz máslıhatynda.

Onyń aıtýynsha, alaıaqtar adamdardy aldaý úshin túrli amaldardy qoldanady, sol sebepten atalǵan qylmystyń sany jyldan jylǵa kóbeıip barady.

«Internet alaıaqtyqpen kúresý jolynda mınıstrlikte tıisti sharalar qabyldanyp jatyr. Ótken jyldan bastap kıbershabýylǵa qarsy baǵdarlama iske qosyldy. Sol sekildi óńirlerde jedel-tergeý arnaıy toptar quryldy. Odan bólek, ár toqsan saıyn jedel profılaktıkalyq sharasy uıymdastyrylyp turady», - deıdi ol.

Buǵan deıin ishki ister mınıstrliginiń ókili ınternet alaıaqtardyń turǵyndardy qalaı aldaıtyny týraly aıtyp bergen edi.