Elimizde ınsýlttan bolatyn ólim 4%-ǵa tómendedi

ASTANA. KAZINFORM – Qazaqstanda ınsýlttan bolatyn ólim mamandandyrylǵan ortalyqtar jelisin keńeıtýdiń jáne profılaktıkanyń jańa standarttaryn engizýdiń arqasynda 4%-ǵa tómendedi. Bul týraly QR Densaýlyq saqtaý mınıstrligi habarlady. 

– Emdelgen patsıentterdiń sany 8,3%-ǵa, 49 myńnan 53 myńǵa deıin ósti, júrgizilgen trombolızdiń úlesi 11%-ǵa ósti, ınsýlttan bolatyn ólim 4%-ǵa tómendedi, - dep habarlady QR Densaýlyq saqtaý mınıstri Aqmaral Álnazarova vedomstvo alqasynyń otyrysynda. 

Vedomstvonyń derekteri boıynsha, ınsýlt qanaınalym júıesi (QAJ) aýrýlarynan bolatyn ólimniń jalpy qurylymynda 32%-dy quraıdy. 

– Óńirlerdegi bas shtattan tys kardıologtar jetekshilik etetin beıindi ǵylymı ınstıtýttarmen tyǵyz ózara is-qımyldy qamtamasyz ete otyryp jáne olardan jan-jaqty ádistemelik qoldaý ala otyryp, úılestirý jáne uıymdastyrý-ádistemelik jumysty kúsheıtýi tıis, - dep atap ótti Densaýlyq saqtaý mınıstrliginiń basshysy.  

Mınıstr atap ótkendeı, statsıonar men ambýlatorııalyq qyzmettiń arasyndaǵy kadrlyq teńgerimsizdikti joıý qajet, onda júrek-qan tamyrlary aýrýlary bar naýqastardy anyqtaý jáne basqarý boıynsha negizgi júkteme qalyptasady. 

Qazaqstanda normatıvtik qajettilikti tolyǵymen jabatyn 85 ınsýlt ortalyǵy – 250 myń turǵynǵa bir ortalyq jumys isteıdi. Tserebrovaskýlıarlyq buzylystardy erte anyqtaý úshin skrınıng engizilip, ınsýlt áleýmettik máni bar aýrýlardyń tizbesine engizildi. Insýlttan keıin patsıentterdi dıspanserlik esepke qoıý merzimi 30-dan 15 kúnge deıin qysqartyldy.

Eske sala keteıik, buǵan deıin elde ınsýlt pen obyrdy erte anyqtaýǵa arnalǵan JI-servıster keńeıtiletinin jazǵanbyz.