Qazaqstanda IKAO TRIP jolaýshylardy sáıkestendirý baǵdarlamasy boıynsha sımpozıým ótip jatyr
Qazaqstanda IKAO TRIP jolaýshylardy sáıkestendirý baǵdarlamasy boıynsha aımaqtyq sımpozıýmnyń ashylýy ótti, dep habarlaıdy Azamattyq avıatsııa komıtetiniń baspasóz qyzmeti.
2023 jylǵy 6 jeltoqsanda Almaty qalasynda QR Kólik mınıstrliginiń, Azamattyq avıatsııa komıtetiniń jáne Qazaqstannyń avıatsııalyq ákimshiligi qoldaýymen IKAO Halyqaralyq azamattyq avıatsııa uıymynyń basshylyǵymen ótetin TRIP jolaýshylardy sáıkestendirý baǵdarlamasy boıynsha aımaqtyq sımpozıým jumysyn bastady.
TRIP aımaqtyq sımpozıýmynyń ashylý saltanatynda Qazaqstan Respýblıkasynyń Kólik vıtse-mınıstri Talǵat Lastaev jáne Halyqaralyq azamattyq avıatsııa uıymynyń (IKAO) Avıatsııalyq qaýipsizdik jáne formaldylyqty ońaılatý sektory dırektorynyń orynbasary Sılven Lefýaıe, sondaı-aq IKAO-nyń burynǵy Bas hatshysy Reımond Bendjamın sóz sóıledi.
QR Kólik vıtse-mınıstri Talǵat Lastaev óz sózinde Qazaqstannyń avıatsııalyq bıligi azamattyq avıatsııanyń qaýipsiz damýyn jáne áýe tranzıtiniń tartymdylyǵyn arttyrýdy qamtamasyz etýge umtyla otyryp, Qazaqstanda azamattyq avıatsııa salasyn basqarýdyń jańa tásilderin engizý jáne ushý qaýipsizdiginiń álemdik standarttarǵa sáıkestigi deńgeıin arttyrý boıynsha belsendi jumys júrgizip jatqanyn atap ótti. TRIP (Traveller Identification Programme) – aımaqtyq sımpozıýmy alǵash ret Qazaqstanda ótkizilip otyr jáne jolaýshylardy sáıkestendirý protsesin basqarýdyń barlyq aspektileri boıynsha aqparat almasýǵa múmkindik beretin álemdik deńgeıdegi is-shara.
IKAO avıatsııalyq qaýipsizdik jáne formaldylyqty jeńildetý sektory dırektorynyń orynbasary Sılven Lefýaıe formaldylyqty jeńildetý baǵyty búginde IKAO Keńesiniń mańyzdy basymdyqtarynyń biri deıdi. Osyǵan baılanysty IKAO-nyń 9-qosymshasynyń 75-jyldyǵyn moıyndaý jáne mańyzdylyǵynyń belgisi retinde 2024 jyldy formaldylyqty jeńildetý jyly dep jarııalaý týraly sheshim qabyldandy.
Іs-sharanyń negizgi baǵyty tehnologııa men ınnovatsııa arqyly jolaýshylardyń utqyrlyq deńgeıin arttyrýǵa baǵyttalǵan.
Іs-sharaǵa qatysatyn barlyq memlekettik sheneýnikter, sondaı-aq azamattyq avıatsııa sýbektileri IKAO-nyń jolaýshylardy sáıkestendirý baǵdarlamasy (TRIP) jáne onymen baılanysty kezdesýler týraly, mysaly, IKAO-nyń trip tehnıkalyq konsýltatıvtik toby (TAG / TRIP)jáne tıisti jumys toptary-jańa tehnologııalar boıynsha jumys toby (NTWG) jáne áleýetti iske asyrý jáne arttyrý jónindegi jumys toby (ICBWG). Sonymen qatar sımpozıýmǵa qatysýshylar osy otyrystarǵa qatysýǵa tartý jáne olarǵa óz úlesterin qosý maqsatynda IKAO-nyń ashyq kiltter katalogy (PKD) keńesimen tanysady.
Іs-shara baǵdarlamasy sheńberinde úsh kún ishinde IKAO-nyń TRIP strategııasynyń bes elementimen tikeleı baılanysty 10 sessııa ótkizý josparlanǵan. Atap aıtsaq, sáıkestikti rastaý, mashınamen oqylatyn jol júrý qujattary, qujattardy berý jáne baqylaý, tekserý júıeleri men quraldary, ózara tolyqtyrylatyn aqparattyq júıeler.
TRIP sımpozıýmynyń jumysyna Kanada, Frantsııa, Shveıtsarııa, Túrkııa, Katar, Sıngapýr, Amerıka Qurama Shtattary, Qytaı, Saýd Arabııasy, Avstralııa, Rýmynııa, Jańa Zelandııa, Germanııa, Reseı Federatsııasy, Ázirbaıjan, Armenııa jáne t. b. 30 elden usynylǵan 280-den astam qatysýshy qatysatynyn atap ótken jón.
Sımpozıýmǵa Halyqaralyq kóshi-qon uıymy (IOM), halyqaralyq áýejaılar keńesi (ACI), halyqaralyq áýe kóligi qaýymdastyǵy (IATA), BUU-nyń bosqyndar jónindegi joǵarǵy komıssarynyń keńsesi (UNHCR), Interpoldyń Bas hatshylyǵy, Halyqaralyq qylmystyq polıtsııa uıymy, jáne Eýropalyq shekara jáne jaǵalaý kúzeti agenttigi (FRONTEX), sondaı-aq Qazaqstan Respýblıkasynda usynylǵan sheteldik áýekompanııalar qatysýda.
Іs-sharaǵa Qazaqstan tarapynan memlekettik organdardyń (QR Ulttyq qaýipsizdik komıtetiniń Shekara qyzmeti, QR Іshki ister mınıstrliginiń Kóshi-qon qyzmet komıteti, QR Tsıfrlyq damý, ınnovatsııalar jáne aeroǵarysh ónerkásibi mınıstrligi), QR áýejaılarynyń jáne otandyq áýe kompanııalardyń ókilderi qatysady.
TRIP óńirlik sımpozıýmynyń birinshi kúni úsh paneldik sessııa ótedi: formaldylyqty ońaılatý máselelerindegi ICAO róli men quzireti, áýe tasymaly kezinde formaldylyqty ońaılatýdyń ulttyq baǵdarlamalaryn iske asyrý jáne ulttyq jeke tulǵany sáıkestendirýdi basqarýdyń jetildirilgen tájirıbelerin qoldaý.
Ekinshi kúni tórt paneldik sessııa ótedi: IKAO mashınadan oqylatyn qujattar standarttary men sıpattamalary, qujattardy berý jáne baqylaý, shekaralyq baqylaý: tekserý júıeleri men quraldary jáne ózara árekettesetin qosymshalar jáne IKAO áleýetti arttyrý jáne memleketterge qoldaý kórsetý.
Sońǵy kúni úsh paneldik sessııa ótkiziledi: shekarany basqarý: jolaýshylar týraly aqparat pen derekterdi bólisýge arnalǵan ozyq platforma jáne tehnıkalyq ınnovatsııalar jáne shekarany basqarýdyń bolashaǵy; DOC 9303 jańa sıpattamalary jáne olardy engizý merzimderi boıynsha vorkshop.
