Qazaqstanda ǵylymı zertteýler úshin 156 Kaspıı ıtbalyǵy alyndy
Ǵylymı zertteýler úshin sırek kezdesetin jáne quryp ketý qaýpi tóngen balyq túrleri men basqa da sý janýarlarynyń shekteýli sanyn alyp qoıý maqsatynda, Úkimet Mańǵystaý jáne Atyraý oblystarynyń jaǵalaýy boıynsha Kaspıı teńizindegi Dýrneva, Tıýlenı jáne Remontnyeshalygı (Aqtoty) araldaryndaǵy 156 Kaspıı ıtbalyqtaryna en salý týraly Qaýlyǵa qol qoıdy.
Ǵylymı zertteýler aıaqtalǵannan keıin, alynǵan daraqtar tabıǵı ortaǵa qaıta jiberiledi.
«Budan basqa, Almaty oblysy sheginde Іle, Qaratal ózenderinen, Balqash kólinen jáne Qapshaǵaı sý qomasynan sırek kezdesetin jáne quryp ketý qaýpi tóngen aral pilmaıyn, Qyzylorda oblysy sheginde Syrdarııa ózeninen aral qaıazyn, Shyǵys Qazaqstan oblysy men Abaı oblysy sheginde, Ertis ózeni men onyń salalarynan taımendi, Pavlodar oblysy sheginde Ertis ózeninen sylandy mekendeý ortasyna shyǵara otyryp, ǵylymı maqsatta arnaıy qurylǵan jaǵdaılarda ósirý úshin alyp qoıýǵa ruqsat etiledi», — dep jazdy AShM.
Qazirgi ýaqytta ǵylymı uıymdar tıisti ruqsattar alýda, sodan keıin olar sırek kezdesetin jáne quryp ketý qaýpi tóngen balyq túrleri men basqa da sý janýarlaryn zertteý jáne saqtaý boıynsha zertteýlerge kirisedi.
