Qazaqstanda geologııalyq málimet jınaqtalǵan aqparattyq júıe qurylady
Onyń aıtýynsha, Qazaqstan kóptegen paıdaly qazbalardyń qory boıynsha álemde jetekshi oryn alady. Mysaly, hromnyń zerttelgen qory boıynsha álemde birinshi orynda, ýran men volfram boıynsha – ekinshi, myrysh boıynsha – úshinshi, qorǵasyn qory boıynsha – tórtinshi orynda tur. Kómirsýtek shıkizatyn óndirýden Qazaqstan 17-orynda.
«Ekonomıkamyzdyń óndirýshi sektory jalpy ishki ónimniń 30%-ke jýyǵyn qamtıdy.
Soǵan qaramastan, elimizdiń mıneraldyq-shıkizattyq bazasyn izdeý jáne tolyqtyrý jumystaryn únemi júrgizip otyrý qajet. Sol úshin geologııa bul máselede asa mańyzdy ról atqarady. Geologııany damytý úshin qatty paıdaly qazbalardy izdeýge jeńildetilgen lıtsenzııalaý engizildi. Shaǵyn geologııalyq barlaý kompanııalaryna tıisti jaǵdaı jasaldy», - dedi Á. Smaıylov.
Geologııa ǵylymyn damytý jáne óńdeý salasyn shıkizatpen qamtamasyz etý maqsatynda Prezıdent tapsyrmasymen Ulttyq geologııa qyzmeti qurylǵan. «Qazaqstandyqtardyń ál-aýqatyn arttyrýǵa baǵyttalǵan turaqty ekonomıkalyq ósý» Ulttyq jobasy aıasynda «Geologııa salasyn damytý» baǵyty qarastyrylǵan. Josparǵa sáıkes 2026 jylǵa qaraı Qazaqstan jerlerin zertteý jumystary 680 myń sharshy shaqyrymǵa ulǵaıyp, jalpy kórsetkish 2,2 mln sharshy shaqyrymǵa jetedi.
«El aýmaǵyn keńinen zertteý men ákimshilik kedergilerdi joıý óndiris salasyn qarqyndy damytýǵa múmkindik beredi. Nátıjesinde Qazaqstannyń ınvestıtsııalyq tartymdylyǵy artady. Jalpy, elimizde ǵylymı-ınstıtýtsıonaldyq baza bar. ıAǵnı, geologııa salasyn damytý úshin barlyq jaǵdaı jasalýda», - dep atap ótti Premer-Mınıstr.
Osyǵan oraı, Á. Smaıylov geologııa jáne jer qoınaýyn paıdalaný salasyndaǵy ınvestorlarǵa geologııalyq málimetterdi qoljetimdi etý úshin aqparattyq júıe qurý qajettigin aıtty.
«Sondyqtan Ekologııa, geologııa jáne tabıǵı resýrstar mınıstrligine Tsıfrlyq damý, Energetıka, Indýstrııa mınıstrlikterimen birlesip, jyl sońyna deıin KAZNEDRA platformasyn ázirleý jáne qoldanysqa engizý boıynsha qajetti sharalardy qabyldaýdy tapsyramyn. Jer qoınaýyn paıdalanýǵa arnalǵan lıtsenzııalardy elektrondy formatta alý úshin qajetti aqparat ashyq ári qoljetimdi bolýy tıis», - dedi ol.
Sonymen birge Á. Smaıylov barlaý jáne óndirý quqyǵyn alýǵa múmkindik beretin Memlekettik jer qoınaýy qoryn basqarý baǵdarlamasyn ýaqtyly jańartý qajettigin jetkizdi. Sondyqtan Indýstrııa mınıstrligine Energetıka jáne Ekologııa mınıstrlikterimen birlesip, bir aıda jer qoınaýyn paıdalanýǵa bolatyn respýblıkanyń barlyq aýmaǵyn baǵdarlamaǵa qosýdy tapsyrdy.
«Úshinshi, jer qoınaýyn paıdalanýǵa arnalǵan qoldanystaǵy kelisimsharttardy uzartýǵa kóp ýaqyt ketetindikten, ol rásimdi jeńildetý qajet. Indýstrııa mınıstrligine Energetıka, Ekologııa, Qarjy, Ulttyq ekonomıka mınıstrlikterimen birlesip, eki apta ishinde ákimshilik kedergilerdi azaıtý boıynsha naqty sharalar ázirleýdi tapsyramyn. Atalǵan memlekettik qyzmetti tsıfrlandyrý qajet.
Tórtinshi, Ulttyq geologııa qyzmetiniń tolyqqandy jumys isteýin qamtamasyz etý úshin Ekologııa, geologııa jáne tabıǵı resýrstar mınıstrligine bir aı merzimde tıisti jedel sharalar qabyldaýdy tapsyramyn. Besinshi, ekologtar, depýtattar men qoǵamdyq uıymdar Aqtóbe oblysyndaǵy «Kókjıde» biregeı jerasty sýlary qorynyń lastanýy máselesin únemi kóterip keledi. Osy oraıda Energetıka mınıstrligi atalǵan sý orny aýmaǵynda jer qoınaýyn paıdalanýdy shekteý máselesin qarastyrý kerek. Ekologııa mınıstrligi barlyq jerasty sýlary boıynsha monıtorıng jumystaryn kúsheıtsin», - dep tapsyrma berdi Úkimet basshysy.
