Qazaqstanda ǵarysh salasynyń mamandaryn daıarlaıtyn jańa ortalyq qurylady
«Báıterek» ǵarysh zymyran keshenin qurý jobasy «Baıqońyr» ǵarysh aılaǵyn paıdalaný boıynsha qazaqstandyq-reseılik birinshi joba bolyp otyr. Bul óz kezeginde Qazaqstanǵa ǵarysh apparattaryn óndirýden, ushyrýǵa deıin tolyq tehnologııalyq tizbekti qalyptastyrýǵa múmkindik beredi. Otandyq ǵarysh salasyn damytý bilikti ınjenerlik-tehnıkalyq kadrlardy daıarlaýdy qajet etedi. Osy oraıda ǵarysh salasynda bilikti ulttyq kadrlardy daıarlaýdyń ortalyǵy quryldy ma?», - dep surady depýtat Abaı Tasbolatov.
Óz kezeginde QR Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev búginde qajetti mamandar darlyqtan ótip jatqanyn atap ótti.
«Búginde Qazaqstanda bes JOO ǵarysh salasy úshin tıisti mamandardy daıarlaýda. «Báıterekke» toqtalsaq, biz Baıqońyrda tikeleı daıyndyqtan ótetin mamandardy paıdalanýdy eskerip otyrmyz. Máskeý avıatsııalyq ınstıtýtynyń fakýlteti bar. Biz olarmen birge jumys isteýdemiz, atalǵan joǵary oqý ornynda 200-ge jýyq qyzmetkerdi daıarlaýdamyz. Bul stýdentter daıyndyqtan ótkennen keıin, «Báıterekte» jumys isteı alady», - dedi A. Jumaǵalıev.
Sonymen qatar vedomstvo basshysy mamandardy daıarlaý ortalyǵy qashan qurylatynyn naqtylady.
«Siz atap ótken ortalyq mindetti túrde qurylatyn bolady. Onda bizdiń qyzmetkerlerdi oqytyp, biliktiligin kóteremiz. Ekinshiden, osy ortalyqta oqytýshylar retinde reseılik áriptesterimizdi de shaqyramyz. Ortalyqty 2021 jyly quramyz dep josparlap otyrmyz», - dedi mınıstr.
