Qazaqstanda et baǵasy óse me – AShM jaýap berdi
ASTANA. KAZINFORM – Qazaqstanda et baǵasynyń kúrt ósýine negiz joq. Bul týraly QR Aýyl sharýashylyǵy vıtse-mınıstri Ermek Kenjehanuly aıtty.
Vıtse-mınıstr byltyrdyń qorytyndysy boıynsha 1,1 mln tonnadan astam sıyr eti men qoı eti óndirilgenin, bul kórsetkish el ishindegi suranysty tolyq óteıtinin atap ótti.
— 2024 jyldyń qorytyndysyna qarasaq, óndirý kólemi shamamen 4 paıyzǵa, onyń ishinde sıyr eti 2 paıyzdan astam deńgeıge ósti. Bul baǵyttaǵy is-sharalar halyqtyń etke degen suranysyn tolyq qanaǵattandyrýǵa múmkindik beredi, sondyqtan et baǵasynyń ósýine negiz joq, - dedi E. Kenjehanuly Senattyń jalpy otyrysynan keıin tilshiler suraǵyna jaýap bere otyryp.
Onyń aıtýynsha, et baǵasynyń kóterilýine Ózbekstan jaǵynan bolǵan joǵary suranys áser etken.
- Biraq sońǵy aptada baıqaǵanymyzdaı, baǵa turaqtandy jáne qazir ósimniń basqa faktorlaryn kórip turǵanymyz joq, - dedi vıtse-mınıstr.
Sonymen qatar ol qazirgi kezde mal sharýashylyǵymen aınalysatyn fermerlerge 5 paıyzdyq mólsherlememen jeńildetilgen qarjylandyrýdy bólý qarastyrylyp jatqanyn atap ótti.
- Bul qadamdar elimizde et óndirýdi odan ári yntalandyrady. Qazir sıyr etiniń baǵasy kelisine shamamen 2700-3000 teńgeni qurap tur», - dedi Ermek Kenjehanuly.
Buǵan deıin habarlanǵandaı, vıtse-mınıstr elimizde sábizdiń jappaı búlinýi derekteri anyqtalmaǵanyn málim etti.