10:55, 14 Qyrkúıek 2024 | GMT +6
Qazaqstanda esirtki qylmysyna qarsy is-qımyl komıteti quryldy
ASTANA. KAZINFORM — Úkimet 2024 jyldyń 11 qyrkúıeginde «Qazaqstan Respýblıkasy Іshki ister mınıstrliginiń keıbir máseleleri týraly» qaýlyny bekitti.
Qujatqa sáıkes, Іshki ister mınıstrliginiń qurylymynda esirtki qylmysyna qarsy is-qımyl komıteti quryldy.
Demek, endigi ýaqytta mınıstrliktiń quramyna 5 vedomstvo kiredi.
Olar mynalar:
- QR Ulttyq ulannyń bas qolbasshylyǵy;
- Qylmystyq atqarý júıesi komıteti;
- Ákimshilik polıtsııa komıteti;
- Kóshi-qon qyzmeti komıteti;
- Esirtki qylmysyna qarsy is-qımyl komıteti.
Ishki ister mınıstrliginiń qurylymyndaǵy esirtki qylmysyna qarsy is-qımyl komıtetin qurý esirtkige qarsy qyzmettiń negizgi baǵyttary boıynsha fýnktsııalardy sapaly deńgeıde oryndaýǵa, esirtkiniń qaýip-qaterine qarsy is-qımyldan turatyn uıymdastyrýshylyq bóligin memleketti deńgeıde jaqsartýǵa múmkindik beredi.
Qaýly qol qoıylǵan kúnnen bastap kúshine enedi.
