Qazaqstanda eń joǵary jalaqyny kólik salasynyń qyzmetkerleri alady

ASTANA. QazAqparat - 2017 jyly eń joǵary jalaqyny kólik salasynda eńbek etetin qyzmetkerler alyp júr. Bul salanyń qyzmetkerleriniń jalaqylary ótken jylmen salystyrǵanda bıyl 111 myń teńgege kóbeıgen, dep habarlaıdy energyprom.kz. 

2017 jyly Qazaqstan kásiporyndary jumysshylaryna kóp kóńil bóle bastady. Ekonomıka salasynyń 48%-inde (45 sala) naqty jalaqynyń ósýi baıqalǵan, bul kórsetkish ótken jyly 35%-ke (33 sala) jetken.

Sáıkesinshe, 2017 jyldyń birinshi toqsanynda aılyq jalaqy boıynsha satyp alýǵa degen qabilettiń tómendeýi ótken jylmen salystyrǵanda 45 salada baıqalǵan. Ótken jyly bul kórsetkish 57-ni quraǵan.

Birinshi toqsandaǵy naqty jalaqy ındeksiniń ósýi (2016 jyldyń 1 toqsanymen salystyrǵanda) 0,4%-ten 39,7%-ke deıin jetken.

Sonymen qatar, naqty jalaqynyń qysqarýy - ózge de kásibı, ǵylymı jáne tehnıkalyq qyzmet túrlerimen aınalysatyn kásiporyndarda 72,1%-ti quraǵan.

Qazaqstan ekonomıkasyndaǵy ortasha aılyq jalaqynyń eń kóp kórsetkishi bıyl jumyspen qamtý salasynda tirkelgen. 2016 jyldyń qańtar-naýryz aıyndaǵy kórsetkishpen salystyrǵanda bul salada jumys isteıtin mamandardyń jalaqysy 100,8 myń teńgege nemese 30%-ke ósken.