Qazaqstanda elektrondy temekige múlde tyıym salý usynyldy
«Qyzdyrylatyn temekiniń ár danasyna aktsız engizýden bólek Saýd Arabııasy men Birikken Arab ámirlikteriniń jaqsy tájirıbesi bar – elektrondy shylym qurylǵysynyń qunynan 50 paıyz alym tólenedi. Mysaly bir ret qoldanýǵa arnalǵan elektrondy shylymnyń baǵasy 2 myń teńge bolsa, aktsızi myń teńge bolady. Sonyń esebinen quny 3-3,5 myń teńgege qymbattaıdy», - dedi Jámıla Sadyqova ortalyq kommýnıkatsııalar qyzmetinde ótken brıfıngide.
Sarapshynyń sózine qaraǵanda, osynyń arqasynda elektrondy shylymǵa balalardyń qol jetkizýi qıyndamaq.
«Biz de osyndaı aktsız engizsek, elektrondy shylymnyń qoldanysyn shektep, sol shekteýli saýdanyń ózinen jaqsy tabys kórýge múmkindik alamyz. ıAǵnı ondaı saıasattan memleket utady. Ýkraınada elektrondy shylym aktsızinen jyl saıyn 200 mlrd teńgedeı kiris túsip otyrǵan. Biz jyl saıyn 80 mlrd teńge kiris kirgize alamyz. Budan tek tabak ındýstrııasy ǵana zardap shegedi», - dedi qoǵamdyq uıym basshysy.
Ulttyq koalıtsııa jetekshisi Qazaqstan aýmaǵynda elektrondy shylymnyń aınalymyn shekteýdi usynyp otyr.
«Ázirge veıpterdiń (elektrondy shylym – red.) aınalymyna tyıym salynbaǵandyqtan, tek depýtattardyń usynysy kúıinde qalyp kele jatqandyqtan, bul naryqtan salyq óndirý kerek. ıAǵnı, naryqta bar kezinde jaqsy salyq óndirip qalý qajet. Ol bıýdjettiń kirisine túsedi. «Tútinsiz» shylymǵa tyıym 2020 jyly salyndy. Eki aıdyń ishinde tyıym kúshine endi de, naryq odan aýyr zardap shekken joq. Qazir sol kezde elge kirgizilip úlgergen qaldyǵy satylyp jatyr. Keıin múlde naryqtan joǵalady. Densaýlyq saqtaý mınıstrligi qoldasa, veıpterdiń satylymyna da bir jyldyń ishinde tyıym ornatýǵa bolady», - dedi Jámılá Sadyqova.
Buǵan deıin elimizde jalpy temekiniń aktsızi ósetini habarlanǵan edi.
