Qazaqstanda ekzotıkalyq jemister qansha turady
ASTANA. KAZINFORM – Qazaqstandaǵy ekzotıkalyq jemis baǵasy ımporttaıtyn elge, maýsymǵa, sapasy men onyń ólshemine baılanysty, dep habarlaıdy Kazinform agenttigi.
Saýdagerlerdiń aıtýynsha, ekzotıkalyq jemister Qytaı, Perý, Pákistan, Nıderlandy, Brazılııa, Taıland jáne Kolýmbııa, Kot-d’Ivýar, Meksıka jáne Túrkııadan ákelinedi. Ekzotıkalyq jemistiń qaı-qaısysy da joǵary suranysqa ıe. Eger qazaqstandyqtar qandaı da bir jemisti almasa, tasymaldanbas edi. Baǵany salystyrý kezinde ekzotıkalyq jemis kóbine Qostanaı men Qaraǵandyda arzan bolyp shyqty. Al Shymkentte baǵa joǵary.
Mango
Qazaqstandaǵy dúken sórelerinen qyzyl jáne sary mangony keziktirýge bolady. Keıingisiniń baǵasy ózgege qaraǵanda joǵary. Qalalardaǵy jemistiń baǵasyn salystyrsaq, Qostanaıda arzan bolyp shyqty. Munda ár danasyn 510 teńgege satyp alýǵa bolady. Keı jerde baǵa 2100 teńge bolyp tur. Mangonyń ortasha baǵasy Petropavl (950 — 2500 tg), Qaraǵandy (1000 tg), Astana (1098 tg), Taraz (1200-1500 tg), Oral (1250 tg), Aqtóbe (1400 tg), Kókshetaý (1500 — 2400 tg), Taldyqorǵan (1500-2500 tg), Almatyda (1500- 3000 tg) tirkeldi. Bul bir danasynyń baǵasy. Atyraýda ár túıiri 1610 teńge, Pavlodarda 1900 teńge. Al eń joǵary baǵa Óskemen men Semeıde, (2000 tg), Qyzylorda (2500 tg) men Shymkentte (2625 tg) bolyp shyqty.
Pomelo
Qazaqstandyqtar satyp alatyn taǵy bir ekzotıkalyq jemis — pomelo. Onyń da sary jáne qyzyl túri bar. Ekeýiniń de baǵasy birdeı. Qaraǵandyda 977 teńge, Taldyqorǵanda 1000 teńge bolyp tur. Bul Qazaqstandaǵy eń tómen baǵa. Pavlodarda (1300- 1610 tg), Petropavlda (1400 tg), Astanada (1408 tg), Kókshetaýda (1485 -1800 tg) jáne Qyzylordada (1500 tg) baǵa sál joǵary. Almatyda — 1600 tg, Atyraýda — 1620 tg jáne Oralda — 1950-2300 tg bolyp tur. Óskemende, Semeıde jáne Tarazda baǵa (2000 tg) joǵary. Al eń qymbaty — Qostanaıda. Munda pomelo baǵasy — 3400 tg.
Ananas
Qazaqstandyqtar jemistiń bul túrin jıi tutyna bastady. Ananas bútindeı jáne týralyp (ortasha baǵa — 1666 tg/kg) satylady. Eger bir-birlep satyp alar bolsaq, Qaraǵandyda (995 tg), Astanada (1299 tg), Kókshetaýda (1350-2000 tg) jáne Pavlodarda (1400-1670 tg) ózge óńirlerge qaraǵanda arzan. Qyzylorda, Taldyqorǵan men Tarazda baǵa — 1500 teńge. Odan keıin Almatyda (1600 tg), Oralda (1850-2950 tg), Óskemen men Semeıde (2000 tg), sonymen birge Qostanaıda (2100 tg) baǵa sál joǵary. Eń qymbaty Shymkentte 3000 tg, Aqtóbede 3200 teńge jáne Atyraýda 3350 teńge bolyp tur.
Avokado
Avokado qazir joǵary suranysqa ıe jemiske aınaldy. Bul ónimniń paıdasy jıi aıtylyp júr. Kóbine eki danasy 1200 -1600 tg satylady. Eger ár túıirin bólek eseptesek, eń arzany Petropavlda — 550 tg, Astanada — 651 tg jáne Qaraǵandyda — 604 tg bolyp tur. Odan keıin Taldyqorǵanda — 700 tg jáne Kókshetaýda — 700-900 tg. Avokado Oralda 780-800 tg, Almatyda — 800-1000 tg, Aqtóbede — 800-1300 tg, Qostanaıda — 860 tg jáne Pavlodarda — 900 tg satylyp jatyr. Avokadonyń ár danasy Qyzylorda, Óskemen men Semeıde 1000 tg. Al eń qymbaty Shymkentte. Munda baǵa — 1350 — 1995 tg.
Pıtohaııa
Pıtohaııa ol — pıtaııa nemese «aıdahar» jemisi. Ataýy ártúrli, soǵan sáıkes baǵasy da bir-birinen alshaq. Qazaqstanda baǵasy 800 — 2000 tg aralyǵynda. Eń arzany Qostanaıda. Munda baǵa 780 teńgeden bastalyp, 1450 tg jetedi. Baǵa Taldyqorǵanda -1000-1500 tg, Qaraǵandyda — 1230 — 1400 tg, Qyzylordada — 1300 tg. Shymkent, Taraz, Petropavl jáne Atyraýda baǵa — 1500 tg. Oralda 1550-2500 tg, Kókshetaýda — 1599 tg, Aqtóbede — 1700 tg jáne Almatyda — 1800 tg satylady. Pıtohaııa Óskemen men Semeıde qymbat. Baǵasy — 2000 tg.
Kokos
Ekzotıkalyq taǵy bir jemis — kokos. Eń arzany Qaraǵandyda satylady. Munda baǵa — 414 tg. Oralda (750-1000 tg), Atyraýda (850-1100 tg), Kókshetaýda (900 tg), Qostanaıda (900-1650 tg) jáne Astanada (1220 tg) satylyp jatyr. Óskemen, Semeı men Almatyda — 1500 tg. Baǵa Tarazda sál joǵary. Qazir 2000 tg bolyp tur. Al Shymkentte kokosty 4300 tg satyp alasyz.
Aıta keteıik, buǵan deıin el aýmaǵynda qııar men qyzanaqtyń baǵasy jazyldy.