Qazaqstanda ekotýrızmge suranys artyp keledi
ASTANA. KAZINFORM – Ótken jyldyń qorytyndysy boıynsha ulttyq saıabaqtarǵa 2,4 mıllıonnan astam adam keldi. Búginde elimiz boıynsha 16 vızıt-ortalyq jumys isteıdi, onyń ishinde 7 vızıt-ortalyq ulttyq parkter aýmaǵynda ornalasqan.
Týrızm jáne sport mınıstrliginiń habarlaýynsha, byltyr Altyn-Emel, Sharyn jáne Іle-Alataýy ulttyq parkteri jalpy quny 3 mlrd teńgege jýyq 3 jańa vızıt-ortalyqpen tolyqtyrylǵan.
Týrızm salasyn odan ári damytý maqsatynda jyl basynan beri mınıstrlik jańa bastamalardy pysyqtap jatyr. Sonyń biri – fermerlerge óz jerlerinde agrotýrızmmen aınalysýǵa ruqsat berý. Bul arqyly 10 myńnan astam aýyl turǵynyn qosymsha jumyspen qamtýǵa bolady.
Eske salsaq, buǵan deıin Týrızm jáne sport mınıstri Ermek Marjyqpaev jubaıynyń Býrabaıdaǵy qonaqúı bıznesi týraly tilshiler suraǵyna jaýap bergenin jazǵan edik.
