Qazaqstanda Denıs Ten atyndaǵy mənerlep syrǵanaý akademııasy ashylady
Joba Mədenıet jəne sport mınıstrligi, Almaty qalasynyń Mədenıet jəne sport basqarmasy men sportshynyń anasy Oksana Tenmen birlesip júzege asyrylyp jatyr.
Global Figure Skating akademııasy - kezinde Denıs Tenniń elimizdegi mənerlep syrǵanaý sportynyń deńgeıin zertteı kele, jeke təjirıbesine súıene otyryp, daıyndalǵan joba bolatyn. Akademııa Almaty qalasyndaǵy muz saraıynyń biriniń janynan ashylady.
«Denıs Ten atyndaǵy Global Figure Skating mənerlep syrǵanaý akademııasy Qazaqstanda mənerlep syrǵanaý sportyn damytýǵa baǵyttalǵan biryńǵaı ortalyq bolady. Akademııa balalar arasynda atalǵan sport túrin buqaralyq deńgeıge jetkizýge baǵyttalady. Qazir Oksana Ten Global Figure Skating akademııasynda balalardy baýlý úshin Denısti jattyqtyrǵan Tatıana Tarasova, Frenk Keroll syndy dańqty bapkerlermen kelissóz júrgizip jatyr.
Mədenıet jəne sport mınıstrligi atalǵan akademııanyń ashylýy elimizde mənerler syrǵanaý sportynyń damýyna serpin beredi dep josparlap otyr. Al Almaty qalasynda memlekettik jəne jeke sektsııalarda 5 000-nan astam bala mənerlep syrǵanaýmen turaqty shuǵyldanady. Akademııa ashylǵan soń, balalar bir ortalyqta daıyndalady. Jýyq arada joba kontseptsııasy men qarjy kózi jaıly aqparat belgili bolady», - delingen mınıstrliktiń habarlamasynda.
Aldaǵy ýaqytta osyndaı akademııany Nur-Sultan qalasynan ashý josparda bar.
