Qazaqstanda demalys salasyndaǵy ınvestıtsııa 2 esege artqan

ASTANA. QazAqparat - Aǵymdaǵy jyldyń 8 aıynda óner, oıyn-saýyq jáne demalysqa baǵyttalǵan ınsvestıtsııa kólemi 56 mıllıard teńge bolsa, onyń 9 mıllıardy Astanaǵa tıesili. Bul týraly QazAqparat tilshisi energyprom.kz-ke silteme jasap habarlaıdy.

Óner, oıyn-saýyq jáne demalysqa salynǵan ınvestıtsııa eki jyl boıy tómendegen edi. Al 8 aıdyń qorytyndysy boıynsha ınvestıtsııa ótken jylǵa qaraǵanda eki esege artqan, ıaǵnı 28,6 mlrd teńgeden 56,1 mlrd teńgege deıin jetken. Sońǵy ret oıyn-saýyq salasyndaǵy ınvestıtsııa 2015 jyly ósken edi.

Óńirlerdi jekeleı alǵanda, Astananyń úlesi bıyl 9,2 mlrd teńge bolyp otyr. Bul kórsetkish byltyr 2 mlrd teńgeni quraǵan edi. Odan keıin ShQO - 7,5 mlrd tg (byltyr 241,6 mln tg), Aqtóbe - 5,7 mlrd tg (byltyr 1,6 mlrd tg) tur. Qazaqstannyń mádenı astanasy - Almaty altynshy oryndy ıelengen - 4,3 mlrd tg (byltyr 1,7 mlrd tg).

Óner, oıyn-saýyq jáne demalys salalaryndaǵy ınvestıtsııalyq salymnyń negizgi kózi - jergilikti bıýdjet, 8 aıdyń ishinde 26,7 mlrd tg bólingen. Bul ótken jyldyń osy kezeńimen salystyrǵanda 3 ese kóp - 10,1 mlrd tg. Qarjylandyrýdyń ekinshi kózi - bıznestiń jeke qarajaty. Bul ınvestıtsııa 21,3 mlrd tg (byltyr 9,4 mlrd tg) bolyp otyr.

Respýblıkalyq bıýdjet esebinen 3,7 mlrd tg ınvestıtsııalanǵan. Bul kórsetkish 2017 jyly 4,6 mlrd teńgeni quraǵan.