Qazaqstanda CNN telearnasynyń ókildigi ashylýy múmkin

ASTANA. QazAqparat - «Habar» agenttiginiń basqarma tóraǵasy Berik Ýálı AQSh-tyń CNN International Commercial kompanııasynyń strategııalyq seriktestik jónindegi vıtse-prezıdenti Konstantınos Oıkonomoý, sondaı-aq kontent satý jáne lıtsenzııa berý departamentiniń dırektory Valıd Chamakpen kezdesti, dep habarlaıdy QazAqparat.

«Kezdesý barysynda ekijaqty yntymaqtastyqty keńeıtý, álemdik telejýrnalıstıkadaǵy úrdister, jańa tehnologııalar jaıly pikir almastyq. Kostas Oıkonomý CNN telekompanııasy Ortalyq Azııanyń, onyń ishinde birinshi kezekte Qazaqstannyń medıa-resýrstarmen áriptestik qatynas ornatyp, nyǵaıtýǵa múddeli ekenin jetkizdi», - dep jazdy Berik Ýálı áleýmettik jelidegi paraqshasynda.

Onyń aıtýynsha, CNN trenıng uıymdastyrý, eksklıýzıvti aqparat almasý, CNN-niń Qazaqstanda ókildigin ashý sııaqty usynystaryn jetkizgen.

«Biz óz tarapymyzdan olar usynatyn qyzmetterdi saralap, agenttik múddesine saı keletin jobalardy birlese qarastyratyn bolyp ýaǵdalastyq», - deıdi «Habar» basshysy.